Isaías 1:4 - Chayahuita (Shahui)

⁴ Oshahuanacasoráchin cancantëramasopita, ¡maꞌhuantacha nisarama paya! Canpitaso paꞌpi co noyahuëꞌ ninamaꞌ. Co noyahuëꞌ nipisopita huiꞌnarinquëmaꞌ. Nitapicancamiatëramaꞌ. Aꞌporamaco. Naporamaꞌ. Caso Yosëco noyasáchin ninahuë niꞌton, Israiro chinotërinco. Inaco nipirahuëꞌ, aꞌporamaco.

Isaías 1:4 ပူးပေါင်းရင်းမြစ်များ

Génesis 13:13

Inaquësoꞌ, yaꞌhuëhuanoꞌsa paꞌpi co noyahuëꞌ nipi. Inapoatona oshahuanpi niꞌton, Yosëri noꞌhuípiro niꞌnin.

Nehemías 1:7

Paꞌpi co noyahuëꞌ nicatoi, camaitëransopita, pënëntëransopita, inapita co natëraihuëꞌ. Quëma nohuanton iráca piyapinën Moisësë itopisoꞌ, inapita ninshitërincoi.

Salmos 89:18

Sinioronënpoasoꞌ iscoto pochin nicaton, paꞌpoyarinpoaꞌ. Noyasáchin nicaton huaꞌanëntërinpoaꞌ.

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Isaías 1:23

Huaꞌanoꞌsanëma quëran huarëꞌ co natantochináchinhuëꞌ cancantopi. Ihuatëroꞌsarëꞌ nipayapi. Pahuërëhuachinara, co huachi noꞌtëquën anaꞌintopihuëꞌ. Maꞌsha topinan quëtápaisoꞌ nohuantoonpi. Saꞌahuaroꞌsaꞌ, quëyoronoꞌsaꞌ, inapita maꞌsha onpotohuachinara, co paꞌpoyapihuëꞌ.

Isaías 1:28

Co natëtochináchinhuëꞌ cancantopisopita, oshahuanoꞌsaꞌ, inapitasoꞌ, tëshi paꞌquirëso pochin nitarahuë. Aꞌporinacosopitantaꞌ, chiminaponaꞌ.

Isaías 30:1

Siniorori israiroꞌsa pënënaton itapon: “Canpitaso huiꞌnahuëpita pochin nipiramahuëꞌ, iráca quëran huarëꞌ co yanatëramacohuëꞌ. Maꞌsona tëranta nicacasoꞌ yonquihuatamara, co chinotëramacohuëꞌ. Co carima ayonquipiranquëmahuëꞌ, maꞌpitaso yaninamaꞌ. Inapoatomaꞌ, naꞌcon naꞌcon oshahuanamaꞌ. Ina marëꞌ canpitasoꞌ, ¡maꞌhuantacha nisarama paya!

Isaías 30:15

Naporahuaton, inaso taantarin: “Canpitaso nisha nisha cancantëramaꞌ. Huëco natëantatomaco sano cancantocoꞌ. Inapohuatamaꞌ, nichaꞌësaranquëmaꞌ. Sano cancantatoma casáchin chinotoco. Inapohuatamaꞌ, chiníquën nisaramaꞌ,” tënin Sinioro. Napopirinhuëꞌ, co canpitaso nohuantëramahuëꞌ.

Isaías 30:9

Isopitaso piyapinëhuëpita nipirinahuëꞌ, nisha nisha cancantatona co yanatërinacohuëꞌ. Co natantochináchinhuëꞌ cancantatonaꞌ, aꞌchintërahuësonta co nohuantopihuëꞌ natanacaisoꞌ.

Isaías 31:2

Co chinotopiramahuëꞌ, inaso yonquínahuan niꞌton, maꞌsha onpotiinquëmasoꞌ nitotërin. Maꞌsona nicacasoꞌ shaꞌhuihuachina, ina inachachin nisarin. Inasoꞌ, co noyahuëꞌ nipisopita ataꞌhuantapon. Inapita catahuapisopitantaꞌ, inapotapon.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Isaías 41:20

Yaꞌipi piyapiroꞌsari nicatonaꞌ, yonquiinacoso marëꞌ napoarahuë: ‘Sinioro mini chiníquën nanantaton inapita acorin,’ taꞌcaiso marëꞌ napoarahuë. Caso Yosëco noyasáchin ninahuë niꞌton, Israiro chinotërinco,” tënin Sinioro.

Isaías 58:2

Isopochin shaꞌhuitëquëꞌ: ‘Canpitaso nani tahuëri yonquiramaco. Imatomaco onpopinsona nanpicamasoꞌ nitotëramaꞌ. Napoaton noya cancantaramaꞌ. Noyasáchin ninaꞌpiroꞌsa pochin ninamaꞌ. Camaitërahuësopitantaꞌ, co naniantëramasohuë pochin ninamaꞌ. Noꞌtëquënáchin pënënaꞌhuanquëmasoꞌ nohuantëramaꞌ. Natëtomaco noya ancantëramaso pochin ninamaꞌ.

Isaías 65:3

Inapitasoꞌ, niꞌtonëhuëquë chachin co noyahuëꞌ nicatonaꞌ, anoꞌhuitërinaco. Mamanshiroꞌsa marëꞌ maꞌsha tëpatonaꞌ, yancororoꞌsaquë aꞌnopi. Natëricho quëran artaroroꞌsa nipiquë, yonarin pochin nininsoꞌ, aꞌpëpi.

Jeremías 15:6

Canpitaso aꞌporahuatomaco, co huachi tahuërëtëramacohuëꞌ. Ca Sinioroco napotaranquëmaꞌ. Noya yonquiantamacoso marëꞌ ninarápiranquëmahuëꞌ, amirahuë. Napoaton anaꞌintatënquëma ataꞌhuantaranquëma huachi.

Jeremías 2:13

Piyapinëhuëpitasoꞌ naꞌcon naꞌcon oshahuanpi. Caso inapita marëꞌ nanpirin iꞌsha huinan pochin nipirahuëꞌ, aꞌporinaco. Naporahuatona iꞌsha tapainanoꞌsa acopirinahuëꞌ, nopoatonpi niꞌton, co iꞌsha yaꞌhuëirinhuëꞌ. Ina pochin niconinsoꞌ imacaiso marëꞌ aꞌporinaco niꞌton, napopi.

Jeremías 2:17

Caso Yosënëmaco niꞌto, ira aꞌnotërëso pochin nitápiranquëmahuëꞌ, aꞌporamaco. Napoaton naporamaꞌ.

Jeremías 2:19

Co noyahuëꞌ ninamasoꞌ naꞌintarinquëmaꞌ. Co casáchin cancantëramacohuë niꞌton, parisitamaso yaꞌhuërin. Napoaton: ‘Sinioroso Yosënënpoa niꞌton, noya nicatëhua natëcaso yaꞌhuërin. Napopirinhuëꞌ, co natërëhuahuëꞌ. Naporahuaton aꞌpomantarëhuaꞌ. Noꞌtëquën chachin iporasoꞌ, co huachi noya yaꞌhuërëhuahuëꞌ. Parisitatëhua co napion cancantárëhuaꞌ,’ toco yonquiatomaꞌ. Caso Sinioroco yaꞌipi nanitaparahuë. Carima shaꞌhuitaranquëmaꞌ.

Jeremías 2:31

Canpitanta ipora yaꞌhuëramasopita, Sinioro shaꞌhuitërinpoasoꞌ noya natancoꞌ. Israiroꞌsanquëmaꞌ: Inotëroquësoꞌ, paꞌpi chiníquën piꞌi piꞌcatërin. ¡Co carimasoꞌ, inapochin aparisitëranquëmahuëꞌ! Noꞌpaꞌ nanin acopontaꞌ, huëhuëpiro tashinantërin. ¡Co carimaso ina pochin aꞌpayananquëmahuëꞌ! Canpitaso piyapinëhuëpitanquëma nipomarahuë napotëramaco: ‘Nani huachi quëmá quëran chaꞌërai. Co huachi onporo tërantaꞌ, tahuërëtarainquënhuëꞌ,’ itëramaco.

Jeremías 2:33

Canpitasoꞌ, noyá nitotërama monshihuanamasoꞌ. Canpita quëran aꞌnapitantaꞌ, co noyahuëꞌ nicacaisoꞌ nitotapi.

Jeremías 7:19

Napoaponahuëꞌ, co casáchin anoꞌhuitërinacohuëꞌ. Inahuara chachin taparo nicacaiso marëꞌ naporapi. Caso Sinioroco napotaranquëmaꞌ.

Jeremías 7:26

Pënënpirinquëmahuëꞌ, co natëramahuëꞌ. Shimashonëmapita co natërinacohuëꞌ. Canpitaso napoaponahuëꞌ, aquë aquëtë co natëtëramahuëꞌ,” itërin.

Daniel 9:11

Yaꞌipi israiroꞌsacoi aꞌchintërancoisopita co natëraihuëꞌ. Camaitëransopitantaꞌ, co natëcaꞌhuaiso nohuantëraihuëꞌ. Iráca Moisësë pënëntërinsoꞌ quiricaquë shaꞌhuitërancoi: ‘Caso Yosëco niꞌton, shaꞌhuitaranquëmaꞌ. Iso quirica quëran pënënanquëmasopita co natëhuatamacohuëꞌ, paꞌpi chiníquën aparisitaranquëmaꞌ,’ itërancoi. Co quëma natëtëinquënhuëꞌ panca tëhuërai niꞌton, naporanso chachin iporasoꞌ parisitarai.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Mateo 23:33

¡Yaꞌhuan pochin cancantatomaꞌ, paꞌpi co noyahuëꞌ nisaramaꞌ! ¿Onporahuatomacha pën quëran chaꞌërëꞌponquëmaya? Co chaꞌësaramahuëꞌ.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Romanos 8:7

Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

1 Corintios 10:22

Sopairoꞌsaꞌ yonquihuatamaꞌ, Yosë aꞌpitatënquëmaꞌ, noꞌhuiarinquëmaꞌ. ¿Ina nohuantëramaꞌ ti? ¡Inasoꞌ chini chiníquën nanantërin! Canpoasoꞌ co ina pochin chiníquën nanantërëhuahuëꞌ.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 32:19

Naporamaso nicaton, Yosëso noꞌhuitërin huachi. Huiꞌninpita pochin nipiramahuëꞌ, noꞌhuirinquëmaꞌ.

Deuteronomio 32:5

Canpitaso paꞌpi co noyanquëmahuëꞌ. Yosë chachin nipirinhuëꞌ tëhuëtëramaꞌ. Co huiꞌninpita pochin nicaimaso yaꞌhuërinhuëꞌ.

Colosenses 1:24

Imarëhuasopita marëꞌ Quisocristo chiníquën parisitërin. Parisitaton, huëntonënquë ayaꞌconinpoaꞌ. Ina quëran imarëhuasopitantaꞌ parisitacasoꞌ yaꞌhuërin aꞌnapitantaꞌ imacaiso marëꞌ. Napoaton ipora cantaꞌ parisitarahuë canpitantaꞌ imacamaso marëꞌ. Parisitaporahuëꞌ, noya cancantërahuë.

Apocalipsis 18:5

Naꞌcon oshahuanpi niꞌton, co Yosëri naniantarinhuëꞌ anaꞌintacasoꞌ.