Isaías 1:29 - Chayahuita (Shahui)

²⁹ Canpitasoꞌ, insina narasoroꞌsaquë mamanshiroꞌsa mosharamaꞌ. Yancororoꞌsaquëntaꞌ, inaporamaꞌ. Inapita naꞌcon paꞌyatopiramahuëꞌ, atapanaponquëmaꞌ.

Isaías 1:29 ပူးပေါင်းရင်းမြစ်များ

Isaías 31:7

Mamanshiroꞌsa nicatoma oshahuanamaꞌ. Inapitasoꞌ, oro, prata, inapitaquëran ninamaꞌ. Inapita mosharamaso aꞌpohuatamaꞌ, naporo tahuëri chachin asiriaroꞌsa minsëaponaꞌ. Napoaponahuëꞌ, co piyapiꞌsari minsëarinhuëꞌ. Quira tëꞌhuatatona piyapinënpita taꞌaponaꞌ. Huiꞌnapinënapitanta ahuëtonapiroꞌsa nisapirinahuëꞌ, asacatacaiso marëꞌ macaponaꞌ.

Isaías 42:17

Mamanshi chinotatonaꞌ: ‘Canpitaso yosënëhuënquëmaꞌ,’ topisopitaso nipirinhuëꞌ, tapanatona taꞌananpiponaco,” tënin.

Isaías 45:16

Yaꞌipi mamanshi ninaꞌpiroꞌsasoꞌ, taparo nicaponaꞌ. Mamanshinënari co catahuarinhuë niꞌton, naní quëran tëhuayataponaꞌ.

Isaías 65:3

Inapitasoꞌ, niꞌtonëhuëquë chachin co noyahuëꞌ nicatonaꞌ, anoꞌhuitërinaco. Mamanshiroꞌsa marëꞌ maꞌsha tëpatonaꞌ, yancororoꞌsaquë aꞌnopi. Natëricho quëran artaroroꞌsa nipiquë, yonarin pochin nininsoꞌ, aꞌpëpi.

Jeremías 2:20

Iráca quëran huarëꞌ noꞌhuitë pochin nitëramaco. Iráca quëran huarëꞌ co natëamacosoꞌ nohuantatomarahuëꞌ: ‘Co nohuantëraihuëꞌ natëtaꞌhuaisoꞌ,’ toconamaꞌ. Yaꞌipi panca panënoꞌsaquë, yaꞌipi panca taꞌan narasoquë, inaquëpita mamanshi moshatomaꞌ, monshihuantë sanapiꞌsa pochin ninamaꞌ.

Ezequiel 36:31

Naporoꞌ co noyahuëꞌ ninamasoꞌ, nishinahuën ninamasoꞌ, inapita yonquiatoma tapanapomaꞌ.

Oseas 14:3

Asiriaroꞌsa co nichaꞌësarincoihuëꞌ. Co cahuarioroꞌsaquë taꞌatoi chaꞌëpoihuëꞌ. Quiyaora mamanshi nicatoi ‘yosënëhuëi,’ itopiraihuëꞌ, co huachi ina pochin nohuitapoihuëꞌ. Quëmasoꞌ Sinioro, saꞌahuaroꞌsa nosororan. Quëmasáchin chinotarainquën,” itahuaꞌ.

Oseas 14:8

‘Co huachi mamanshiroꞌsa paꞌyatëraihuëꞌ,’ tëcaponaꞌ. Cari chachin inapita aꞌpaiapo. Nontohuachinaco, catahuapo. Pino nara yaramëtárinso pochin nicato, piyapinëhuëpita cosharonënaꞌ, co ichipahuantapohuëꞌ,” tënin.

Oseas 4:13

Motopiroꞌsaꞌ, motopiaꞌhuaroꞌsaꞌ, inapita huiꞌnimotënꞌpaꞌ maꞌsha tëparahuatonaꞌ, mamanshinënapita moshapi. Yonarin pochin nininsontaꞌ, inapita marëꞌ inaquë aꞌpëpi. Panca taꞌan nopri nararoꞌsa tashinantërinsoanaquë, aramoroꞌsaꞌ, insinaroꞌsaꞌ, inapita nararoꞌsa tashinantërinsoanaquëntaꞌ, inapopi. Naporama niꞌton, huiꞌnama sanapiꞌsa nipisopitantaꞌ, mamanshi marëꞌ sacatopi. Huiꞌnamapita saꞌinantaꞌ, soꞌina tëhuananpitopi.

Oseas 4:19

Napopisopitasoꞌ, panca ihuani quëpatë pochin nitapon. Napohuachinara, mamanshi camayoroꞌsa nipiso marëꞌ tapanaponaꞌ,” tënin.

Romanos 6:21

Inapohuatamara, ¿maꞌtaꞌ ina marëꞌ canaramaꞌ? Co ina marëꞌ canamiataramahuëꞌ. Topinan quëran yaꞌhuëramaꞌ. Ina pochin cancantohuatamaꞌ, chiminpatamaꞌ, parisitopiquë paꞌsaramaꞌ. Iráca ina pochin nipiramahuëꞌ, iporaso ina marëꞌ tapanamaꞌ.