Isaías 1:20 - Chayahuita (Shahui)

²⁰ Napoaponahuëꞌ, co natantochináchinhuëꞌ cancantápatamaꞌ, quiraquë taꞌhuantapomaꞌ,” tënin. Sinioro chachin ina pochin shaꞌhuitërinpoaꞌ.

Isaías 1:20 ပူးပေါင်းရင်းမြစ်များ

Éxodo 9:2

Coꞌsoꞌ aꞌpahuatanhuëꞌ, yaꞌipi yaꞌhuërama parti, pëꞌtahua canio yaꞌconapon: Cahuarioroꞌsaꞌ, moraroꞌsaꞌ, camiyoroꞌsaꞌ, ohuacaroꞌsaꞌ, ohuicaroꞌsaꞌ, inapita caniotaramaꞌ. Inapoatona chiminaponaꞌ.

Isaías 40:5

Naporoꞌ Sinioro chini chiníquën nanantërinsoꞌ aꞌnotarinpoaꞌ. Napohuachina yaꞌipi piyapiꞌsari niꞌsapi. Sinioro chachin naporin,” tapon.

Isaías 58:14

Ina pochin ina tahuëri niꞌpatamaꞌ, ca yonquiatomaco capa cancantaramaꞌ. Ahuëtatona canatohuachinara, paꞌyatacaiso marëꞌ motopiroꞌsa quëpatopi. Inapita quëpapiso pochin carimanta noya nisarama niꞌton, quëpaponquëmaꞌ. Cacopo quëran pipirama niꞌton, ina noꞌpaꞌ quëtërahuëquë noya noyatërinsopita aꞌcaponquëmaꞌ. Inapotohuatënquëmaꞌ, capa cancantarama huachi,” tënin.

Isaías 8:6

“Cota huënton israiroꞌsasoꞌ, Nisin copirno, Nimariasë huiꞌnin, inapita tëꞌhuatopi. Inapita tëꞌhuatatonaꞌ, nocaninaco. Caso Siroiꞌ iꞌsha, sanoiꞌ paꞌninso pochin inapita catahuapirahuëꞌ, nocaninaco. Napopi niꞌquëhuarëꞌ, ca nohuanton Asiria copirno sontaronënpitarë chachin huëcapaipon. Inasoꞌ huëꞌpachin, Iopiratësiiꞌ paquiitërinso pochin yaꞌipi Cota huënton ninanoroꞌsa ahuëapon. Pancaiꞌ paquiitohuachina, conopirataquë huarëꞌ icaninso pochin nisarin. Asiria copirnosoꞌ, panca onian yanponaton, mapinën nocorinso pochin yaꞌipi iso noꞌpaquë yaꞌhuëpisopita ahuëapon. Napoaponahuëꞌ, ca Sinioroco canpitarëꞌco chachin nisarahuë,” itërinco.

Jeremías 26:4

Iso pochin shaꞌhuitaran: ‘Maꞌsona shaꞌhuitëranquëmasopita coꞌsoꞌ natëhuatamahuëꞌ, ca marëꞌ pënëntopisopitanta co natëhuatamahuëꞌ, iso chinotëramacoso pëiꞌ, iráca Siroquë yaꞌhuërinso pochachin ataꞌhuantarahuë. Ca marëꞌ pënëntopisopitasoꞌ cari aꞌparahuë niꞌton, naquëranchin naquëranchin pënënárinënquëmaꞌ. Inapita co natëramahuëꞌ niꞌton, anaꞌintaranquëmaꞌ. Quirosarin ninano inapotohuato, yaꞌipi nacionoꞌsaquë yaꞌhuëpisopita ama huachi noya yaꞌhuëcaiso marëhuëꞌ yashaꞌhuitohuachinaꞌ iso pochin shaꞌhuitapi: “Quirosarin ninano Yosëri ataꞌhuantërinso pochachin canpitanta ataꞌhuanchinquëmaꞌ,” taponaꞌ, tënin Sinioro,’ itëquëꞌ,” itërinco.

Miqueas 4:4

Ina tahuëri nanihuachin, co huachi tëꞌhuarëꞌna yaꞌhuëaponahuëꞌ. Opanënaꞌ, iquiranënaꞌ, inapita huanirinsoanaquë, aꞌnaya aꞌnaya noya chinotaponaꞌ. Sinioro chachin yaꞌipi nanitapaton, inapocaso shaꞌhuitarinpoaꞌ.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Tito 1:2

Quisocristo imapatëhuaꞌ, aꞌna tahuëri inápaquë quëpantarinpoaꞌ. Yaꞌhuërinꞌpaꞌ yaꞌhuëmiatarihuaꞌ. “Ananpitaantarinpoaꞌ,” taꞌtëhuaꞌ, ina ninarëhuaꞌ. Yosë iráca coꞌhuara isoroꞌpaꞌ acoyátërasohuëꞌ, ninotonpoaꞌ yonquirinpoaꞌ. Inasoꞌ co onporontaꞌ nonpintërinpoahuëꞌ.

1 Samuel 12:15

Co natëtatomarahuëꞌ camaitërinsopita aꞌpohuatamasoꞌ, inasoꞌ anaꞌintarinquëmaꞌ. Copirnonëmarë chachin anaꞌintarinquëmaꞌ.

1 Samuel 12:25

Napotopiranquëmahuëꞌ, canpitasoꞌ co noyahuëꞌ nicacamasoráchin cancantohuatamaꞌ, inimicoroꞌsa minsëarinquëmaꞌ. Sinioro nohuanton minsërahuatënënquëma yaꞌhuërama quëran ocoiarinquëmaꞌ. Copirnonëmarë chachin asacatiimaso marëꞌ yaꞌhuëpiꞌpaꞌ quëpaponënquëmaꞌ, itërin.

1 Samuel 15:29

Yosëso noya noya niꞌton, israiroꞌsanpoa chinotërëhuaꞌ. Co inaso nonpininhuëꞌ. Maꞌsona nicacaso yonquirinsoꞌ, noꞌtëquën nisarin. Inaso co piyapihuë niꞌton, co nisha nisha yonquirinhuëꞌ, itërin.