Isaías 1:16 - Chayahuita (Shahui)

¹⁶ Amarëso pochin nicatomaꞌ, ¡ama huachi oshahuancosohuëꞌ! ¡Co noyahuëꞌ ninamasopita aꞌpoco huachi!

Isaías 1:16 ပူးပေါင်းရင်းမြစ်များ

Salmos 34:14

Co noyahuëꞌ ninansopita aꞌporahuaton, noyasáchin niquë huachi. Naporahuaton sano yaꞌhuëcamaso cancantëquëꞌ. Sano yaꞌhuëaton ina pochin yaꞌhuëquëꞌ.

Salmos 37:27

Co noyahuëꞌ ninansopita aꞌporahuaton noyasáchin niquëꞌ. Ina pochin nipatan yaꞌhuëmiataran.

Salmos 51:2

Co noyahuëꞌ cancantërahuëso noyá paꞌmorëso pochin, oshanëhuë inquitatonco noyápiachin cancan quëtoco.

Isaías 52:11

¡Papironia quëran pipico huachi! Ama manta Yosëri amirotochináchin niꞌninsoꞌ sëꞌhuacosohuëꞌ. Sinioro pëinënquë yaꞌhuërinsopita quëpanaꞌpiroꞌsanquëmaꞌ, ama huachi oshahuaantacosohuëꞌ.

Jeremías 18:11

Naquëranchin Sinioro nontaantarinco: “Yaꞌipi Cota huënton israiroꞌsa shaꞌhuitëquëꞌ. Quirosarinquë yaꞌhuëpisopitanta shaꞌhuitëquëꞌ: ‘Ca Sinioroco anaꞌintaꞌhuanquëmaso yonquiarahuë. Napoaton co noyahuëꞌ ninamasopita aꞌporahuatomaꞌ, noya noya nicacamaso cancantocoꞌ,’ itëquëꞌ.

Jeremías 26:3

Nani co noyahuëꞌ nipiso marëꞌ anaꞌintaꞌhuasoꞌ yonquirahuë. Napopirahuëꞌ, natëtënën co noyahuëꞌ nipiso aꞌpohuachinaꞌ, co huachi yonquirahuëso chachin nitapohuëꞌ.

Amós 5:15

Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

Jonás 3:8

Yaꞌipiya quëran saꞌcatën nininso aꞌmoinaꞌ. Pëꞌtahuanëna quëran huarëꞌ, ina pochin aꞌmochinaꞌ. Co napion ancantërëhuasoꞌ, aꞌnocaso marëꞌ inapoaꞌahuaꞌ. Naporahuatëhua yaꞌipi cancanënpoa quëran Yosë nontahuaꞌ. Yaꞌipi co noyahuëꞌ ninëhuasopita, noꞌhuitërayanpoa nicatëhuaꞌ, co tënorotochináchinhuëꞌ cancantërëhuasopita, inapita yaꞌipi aꞌpoaꞌahuaꞌ.

Mateo 3:8

Co noyahuëꞌ yonquiramasopita naniantatomaꞌ, noya nico huachi.

Hechos 22:16

Napoaton ama huaꞌquiquësohuëꞌ. Apiramiáchin huaniquëꞌ. “Quisoso imasarahuë huachi,” taꞌton, aporihuanquëꞌ. Ina nontohuatan, oshanën inquitarinquën,’ itërinco.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.

1 Pedro 2:1

Yaꞌipi co noyahuëꞌ yonquiramasopita naniantocoꞌ. Ama iyaroꞌsaꞌ ninonpintocosohuëꞌ. Aꞌnaquën noyasha nonaponaraihuëꞌ, poꞌoana quëran co noyahuëꞌ nipi. Ama ina pochin nicosohuëꞌ. Yaꞌipi cancanëma quëran noꞌtëquën ninontocoꞌ. Aꞌnapita noya yaꞌhuëhuachinaꞌ, ama noyapatocosohuëꞌ. Ama pinotocosohuëꞌ.

1 Pedro 3:11

Yaꞌipi co noyahuëꞌ yonquiramasopita naniantatomaꞌ, nóya nicoꞌ. Sano piyapi nicatomaꞌ, ama insontaꞌ noꞌhuicosohuëꞌ. Aꞌnapitantaꞌ catahuacoꞌ noya niniꞌtonaꞌ yaꞌhuëꞌinaꞌ.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.