Isaías 1:15 - Chayahuita (Shahui)

¹⁵ Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Isaías 1:15 ပူးပေါင်းရင်းမြစ်များ

1 Reyes 8:22

Ina quëran Saromonsoꞌ, artaro notënanquë paꞌnin. Inaquë Sinioro marëꞌ maꞌsharoꞌsa ahuiquitopisoꞌ. Niyontonpisopitanta pinën parti quëran huanirantapi. Naporoꞌ anquirahuaton Yosë nontërin: “Quëmasoꞌ Sinioronquën. Yaꞌipi israiroꞌsacoi chinotërainquën. Co aꞌna Yosë tëranta isoroꞌpaquë quëma pochin yaꞌhuërinhuëꞌ. Piꞌiroꞌtëquënta co yaꞌhuërinhuëꞌ. Inëꞌquën tëranta anoyatohuatan, shaꞌhuitëranso chachin ninan. Inso tëranta yaꞌipi cancanën quëran natëhuachinquën nosoromiatëran.

1 Reyes 8:54

Ina pochin Saromonsoꞌ, Yosë nontërin. Artaro notënanquë isonin quëran anquirahuaton nontërin.

Salmos 66:18

Co noyahuëꞌ yonquirahuë naporini, co Sinioro natëitoncohuëꞌ.

Proverbios 1:28

Naporo huarëꞌ chinotatomaco përasaramaco. Cancantatomaco yonípiramacohuëꞌ, co huachi quënanaramacohuëꞌ.

Proverbios 6:17

Caso noya noyaco topisopita. Nonpinacasoráchin cancantopisopita. Co maꞌsha onpotopirinahuëꞌ tëpatopisopita.

Isaías 45:15

Sinioro quëmasoꞌ, co aꞌninquëchin yaꞌnoranhuëꞌ. Napoaponahuëꞌ, israiroꞌsacoi nichaꞌërancoi.

Isaías 58:4

Ayono tahuëri nipirinhuëꞌ, ninoꞌhuitoma niahuëramaꞌ. Inapoatoma nitëniama huarëꞌ niacoramaꞌ. Inapochin ayonatoma nontohuatamaco, co aꞌpaniaꞌhuanquëmaso yaꞌhuërinhuëꞌ.

Isaías 58:7

Cosharo yaꞌhuëtërinquënsoꞌ, pahuantërinsopita quëtëquëꞌ. Saꞌahuaroꞌsa co pëinëna yaꞌhuëtohuachinarahuëꞌ, canpitari pëinëmaquë ichiyaꞌhuëcoꞌ. Aꞌmocaiso pahuantohuachinaꞌ, quëtocoꞌ. Aꞌnapita catahuachináchin cancantocoꞌ.

Isaías 64:7

Co incoi tëranta chinotërainquënhuëꞌ. Quëmasáchin cancantaꞌhuaisoꞌ, co nohuantëraihuëꞌ. Napoaton naꞌpitatë pochin nitërancoi. Co noyahuëꞌ ninai niꞌton, aꞌporancoi.

Isaías 8:17

Cacopo quëran pipipisopita, Siniorori co huachi yacatahuarinhuëꞌ. Cariso napoaporahuëꞌ, inasáchin ninarahuë: ‘Catahuarinco mini,’ tënahuë.

Jeremías 14:12

Onponta ayonapirinahuëꞌ, nontërinacoso co natanarahuëꞌ. Oshanëna marëꞌ onponta maꞌsha yaꞌipi ahuiquitopirinahuëꞌ, trico pochin nininsopitanta onponta quëshipirinacohuëꞌ, quëshirinacosopita co noya niꞌsarahuëꞌ. Nani yonquirahuë quira quëran, tanaro quëran, canio quëran, ina quëranpita ataꞌhuantaꞌhuasoꞌ,” itërinco.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Miqueas 3:4

Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

Mateo 23:13

Ina quëran Quisosori cotio maistroꞌsaꞌ, parisioroꞌsa inapita pënënaton itapon: “Cotio maistroꞌsanquëmaꞌ, parisioroꞌsanquëmaꞌ, canpitaso nonpintënquëma niꞌton, ¡maꞌhuantacha nisarama paya! Co noꞌtëquën aꞌchinamahuëꞌ niꞌton, Yosë iranën yaꞌcopiatë pochin nitëramaꞌ. Co noꞌtëquën Yosë imatomahuëꞌ, co canpita tërantaꞌ Yosë huaꞌanëntërinquë yaꞌconaramahuëꞌ. Aꞌnapitantaꞌ yayaꞌconpirinahuëꞌ, co catahuaramahuëꞌ yaꞌconacaisoꞌ. Canpita nonaninënquëmaꞌ niꞌton, inapitantaꞌ co yaꞌconpihuëꞌ. [

Mateo 6:7

Yosë nontohuatamaꞌ, ama inachin inachin nontocosohuëꞌ. Co Yosë imapisopitahuëꞌ ina pochin yonquipi. ‘Huaꞌquiꞌ nontohuato, natanatonco catahuarinco,’ topirinahuëꞌ. Co Yosë nohuitatonahuëꞌ, napopi.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

1 Timoteo 2:8

Napoaton nani parti niyontonpachinaꞌ, quëmapiꞌsaꞌ Yosë nonchinaꞌ, tënahuë. Ama noꞌhuichinasohuëꞌ. Ama nisha nisha ninonchinasohuëꞌ. Noyápiachin cancantatonaꞌ, Yosë nonchinaꞌ.