Isaías 1:1 - Chayahuita (Shahui)

¹ Osiasë copirnoꞌton Cota huëntonquë huaꞌanëntasoꞌ, Isaiasë pënëntacasoꞌ caniaritërin. Ina quëran Cotamo yaꞌhuërëꞌ, huaꞌanëntaantarin. Ina piquëran Acasontaꞌ, huaꞌanëntaantarin. Ina quëran, Isiquiasënta huaꞌanëntaantarin. Inapita copirnoroꞌsa Cota huëntonquë huaꞌanëntasoiꞌ, Isaiasë pënëntërin. Inasoꞌ, Amosë huiꞌnin. Yosëri huaꞌnarëso pochin aꞌnotaton, Cota huënton israiroꞌsaꞌ, Quirosarin ninanoꞌ, inapita maꞌsona onpocaisoꞌ anitotërin.

Isaías 1:1 ပူးပေါင်းရင်းမြစ်များ

2 Reyes 18:1

(-) (Israiro copirno Coasë itopiso piquëran, canchisë copirnoroꞌsa yaꞌhuëantarin. Inapitanta napoaponahuëꞌ, co Yosë natëtonaraihuëꞌ, co noyahuëꞌ nininsoráchin nipi. Piquëran pochin yaꞌconinsosoꞌ, Osiasë itopi. Ina paꞌpinsoꞌ, Ira itopi.)

2 Reyes 19:2

Coꞌhuara inaquë paꞌshátëraponhuëꞌ, Iriaquin, Sipina, corto huaꞌanoꞌsa masho masho nipisopita, inapita camairin: “Saꞌcatën aꞌmosahuatomaꞌ, Amosë huiꞌnin Isaiasë pënëntonaꞌpi niꞌconcoꞌ.

Salmos 89:19

Piyapinënpita huaꞌnatopiquë pochin yaꞌnotaton, shaꞌhuitëran: “Piyapinëhuëpita quëran aꞌnara quëmapi chiníquën cancantërinso huayonahuë. Cari catahuarahuë niꞌton, noya noya acorahuë.

Isaías 2:1

Amosë huiꞌnin Isaiasë pënëntonaꞌpisoꞌ, Yosëri huaꞌnarëso pochin aꞌnotërin. Cota huënton israiroꞌsaꞌ, Quirosarin ninanoꞌ, inapita maꞌsona onpocaisoꞌ anitotërin:

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Isaías 6:1

Osiasë copirno chimininso piꞌiquë, huaꞌnarëso pochin Sinioro niꞌnahuë. Huaꞌanëntacaso shiranën paꞌpi inápaquë acorahuaton, huënsëarin niꞌnahuë. Aꞌmorinsontaꞌ, chinotacaso pëi yaꞌipi mëntatërin.

Isaías 7:1

Osiasë copirno huiꞌninsoꞌ, Cotamo itopi. Ina huiꞌnintaꞌ, Acaso itopi. Ina yaꞌhuërë Cota huënton copirno nicasoꞌ, Siria copirnosoꞌ, Israiro copirnorëꞌ nicatahuatonaꞌ, Quirosarin ahuëcaiso marëꞌ huëcapaipi. Napoaponaraihuëꞌ, co nanitopihuë minsëcaisoꞌ. Siria copirnosoꞌ, Nisin itopi. Yaꞌhuërëꞌ Israiro copirnosoꞌ, Nimariasë huiꞌnin Pica itopi.

Jeremías 23:16

Siniorosoꞌ yaꞌipi nanitapaton israiroꞌsanpoa pënëninpoaꞌ: “Ina pënëntonaꞌpiroꞌsa maꞌsona pënënpachinquëmaꞌ, ama natëtocosohuëꞌ. Inahuara yonquinëna quëran shaꞌhuitatënëma nonpintárinëmaꞌ. Co cari anitotërahuëso shaꞌhuitërinënquëmahuëꞌ.

Ezequiel 1:1

Caso Isiquiro corto huaꞌanco. Tatahuësoꞌ, Posi itopi. Papironiaꞌpaꞌ cantaꞌ, quëparinaco. Aꞌna tahuëri aꞌnapita quëpapisopitarëꞌco chachin Quiparoiꞌ itopisoꞌ yonsanꞌpaꞌ nisarai. Inaquë nicasoco aꞌnanaya huaꞌnarëso pochin piꞌiroꞌtë niiꞌsohuatohuachina, Yosë yaꞌnorin niꞌnahuë. Coaquin copirno quëpi quëran huarëꞌ nani aꞌnatërápo piꞌipi, catapini yoqui nisarin. Naporahuaton nani cara shonca piꞌipitarin Napocotono copirno yaꞌconinsoꞌ. Naporoꞌ Siniorosoꞌ chiníquën nanantaton, aꞌnotërincosopita nicaꞌhuaso marëꞌ catahuarinco.

Oseas 1:1

Piiri huiꞌnin Osiasësoꞌ, pënëntonaꞌpi niꞌton, israiroꞌsa pënënacaso marëꞌ Yosëri anitotërin. Cota huënton israiroꞌsa yaꞌhuëpiquë Osiasë copirnoꞌton huaꞌanëntasoꞌ, anitotërin. Ina quëran Cotamo yaꞌhuërëꞌ, huaꞌanëntaantarin. Ina piquëran Acasontaꞌ, huaꞌanëntaantarin. Ina quëran, Isiquiasënta huaꞌanëntaantarin. Inapita copirnoroꞌsa Cota huëntonquë huaꞌanëntaponaꞌ, Yosëri anitotërin. Coasë huiꞌnin Quiropoamontaꞌ, Israiro huëntonquë naporo tahuëriꞌsa copirno nisarin.

Amós 1:1

Cota huënton israiroꞌsa noꞌpanënaquë aꞌnara ninano yaꞌhuërin. Inasoꞌ, Ticoa itopi. Inaquë aꞌnara quëmapi Amosë itopiso yaꞌhuërin. Inasoꞌ, notohuaroꞌ ohuicaroꞌsa pëꞌtahuarin. Naporoꞌ Cota huëntonquë, Osiasë copirno huaꞌanëntarin. Israiroꞌsantaꞌ, Quiropoamo copirnori huaꞌanëntarin. Ina Quiropoamosoꞌ, Coasë huiꞌnin. Inapita copirnoroꞌsa huaꞌanëntasoꞌ, Yosëri yonquirinso Amosë anitotërin. Israiroꞌsa maꞌsona onpotacasoꞌ yonquirinsoꞌ, anitotërin. Naporoꞌ panca ocohua pacacasoꞌ, cato piꞌipi pahuanarin. Ina shaꞌhuicaso marëꞌ Amosë tapon: Quirosarin quëran Sinioro nonpachina, huira tënëntërinso pochin nisarin. Ina nohuanton Carmiro motopi huiꞌnimotënquë pasto yaꞌhuërinsoꞌ, ahuisarin. Naporahuaton yaꞌipi Israiro noꞌpaquë napoarin.

Amós 4:5

‘Yosparinquën Sinioro,’ itamacoso marëꞌ pan co ahuëpocatopinanhuë nininsontaꞌ, ahuiquitocoꞌ. Canpitaora nohuanton maꞌsha yaquëtëramacosontaꞌ, yaꞌipi parti shaꞌhui shaꞌhuírantacoꞌ. Inapocaso paꞌyatërama niꞌquëhuarëꞌ, inapocoꞌ,” Ca Sinioroco napotaranquëmaꞌ.

Miqueas 1:1

Caso Miquiasëco. Morisito ninanoquë huaꞌhuatërahuë. Inasoꞌ ninanoꞌ, Cota huënton israiroꞌsa noꞌpanënquë yaꞌhuërin. Sinioro huaꞌnarëso pochin aꞌnotatonco anitotërincosopita iso quiricaquë ninshitaranquëmaꞌ. Samaria, Quirosarin, inapita ninanoroꞌsa maꞌsona onpotacasoꞌ yonquirinsoꞌ, ninshitarahuë. Cotamo copirno Cota huëntonquë huaꞌanëntasoꞌ, anitotërinco. Ina piquëran Acasonta huaꞌanëntasoꞌ, anitotaantarinco. Ina piquëran Isiquiasënta huaꞌanëntaso anitotërincosopita, ninshitaranquëmaꞌ.

Habacuc 2:2

Ina quëran Sinioro anitotaantarinco: “Naꞌpi patëtahuaton nontë pochin acoquëꞌ. Inaquë maꞌsona anitotaranquënsoꞌ, aꞌninquëchin ninshitëquëꞌ. Noya nontatona nitotacaiso marëꞌ inapoquëꞌ.

Números 24:16

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso chini chiníquën nanantaton yaꞌipi nanitaparin.

Números 24:4

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.

Mateo 17:9

Ina quëran motopi quëran nohuaramapona pochin, Quisosori itërin: —Achin niꞌnamasoꞌ, ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ, itërin.

Hechos 10:17

Pitrosoꞌ yonquirárin. “Yosë nohuanton huaꞌnarëso pochin quënanahuë. ¿Maꞌtaꞌ tapon ina pochin aꞌnotërinco nica?” tënin yonquiaton. Naporoꞌ Corniriori aꞌparinsopita canquirapi. Natantiirahuatonaꞌ, Simon pëinën yaꞌcoananënquë canquipi.

Hechos 26:19

Napoaton, sinioro huaꞌan, Quisoso inápa quëran yaꞌnotimarinco niꞌton, aꞌnaroáchin imarahuë. Yaꞌipi shaꞌhuitohuachincora, noꞌtëquën natërahuë.

2 Corintios 12:1

Co nohuantërahuëꞌ aꞌnapita nocanaꞌhuasoꞌ. “Casoꞌ noya noya piyapico,” co taporahuëꞌ, piꞌpian ina pochin shaꞌhuichinquëmaꞌ. Iráca Yosë nohuanton, huaꞌnarëso pochin maꞌsha niꞌnahuë. Quisocristo chachin anitotërincosoꞌ.

2 Pedro 1:21

Iráca co inahuara nohuanton, ninshitopihuëꞌ. Yosëri acorin nanamën anitotinpoaso marëꞌ. Ispirito Santo nohuanton, Yosë yonquirinso chachin ninshitopi.