Hechos 9:8 - Chayahuita (Shahui)

⁸ Saono huaniintarahuaton, niꞌtopirinhuëꞌ, co huachi quënantërinhuëꞌ. Napoaton aꞌnapitari sëꞌquërahuatonaꞌ, Tamascoquë quëpapi.

Hechos 9:8 ပူးပေါင်းရင်းမြစ်များ

Génesis 14:15

Paꞌsahuatonaꞌ, inimicoroꞌsa quënanconpi. Yono tashi nisahuasoꞌ, yaꞌcopirahuatonaꞌ, ahuëpi. Copirnoroꞌsa canarahuatonaꞌ, imapi. Opa ninanoquë huarëꞌ imapi. Ina ninanosoꞌ, Tamasco ninano quëran norti parti quëparitërin.

Génesis 19:11

Naporo chachin piyapiroꞌsa aipiran nisapisopita, aꞌnaroáchin asomarayapi huachi. Huiꞌnapiroꞌsa quëran, mashoroꞌsaquë huarëꞌ yaꞌipi somarayapi. Ina nipirinahuë tërantaꞌ, amiai huarëꞌ yaꞌcoana yonípi.

Éxodo 4:11

—Coꞌta inaso nani nitotërahuë. Ca nohuanto aꞌnaquën noya nonpi. Ca nohuanton chachin aꞌnaquënsoꞌ, co nonpihuëꞌ. Ca nohuanton aꞌnaquën noya quënantopi. Ca nohuanton chachin aꞌnaquënsoꞌ, somarayapi.

Hechos 13:11

Apiramiachin Yosë nohuanton, co mantaꞌ quënantaranhuëꞌ. Huaꞌquimiachin co piꞌi quënanaranhuëꞌ, itërin. Napotohuachina, aꞌnaroáchin chitoro pochin niꞌtërin. Somaraya pochin nicaton, co mantaꞌ quënantërinhuëꞌ. Siꞌpinantápirinhuëꞌ, aꞌna piyapi nohuantërin matanparahuaton, quëpacaso marëꞌ.

Hechos 22:11

Huënaráchin huënaráchin aꞌpintërinco niꞌton, co mantaꞌ quënantërahuëꞌ. Napoaton caꞌtanincosopita matanparahuatonaco, Tamascoquë quëparinaco.

Hechos 9:18

Naporo chachin sami shaꞌhuëtë pochin nininsoꞌ, yaꞌpirin quëran anotërin. Aꞌnaroáchin noya niꞌtaantarin. Ina quëran huaniintarahuaton, aporihuanin.

Hechos 9:9

Cara tahuëri co quënantërinhuëꞌ. Co mantaꞌ caꞌninhuëꞌ. Co mantaꞌ oꞌorinhuëꞌ.

2 Corintios 11:32

Iráca Tamascoquë yaꞌhuasoco, ninano huaꞌan yamaninco, copirno Aritasëri acorinsoꞌ. Tashinan pëiquë yapoꞌmorinco niꞌton, sontaroꞌsaꞌ aꞌparin. Nani tahuëri ninano yaꞌcoana niꞌsapi macainacoso marëꞌ.

Gálatas 1:17

Caꞌtanoꞌsaꞌ Quirosarinquë yaꞌhuëpirinahuëꞌ, co inatohuaꞌ paꞌnahuëꞌ nontaꞌhuaso marëꞌ. Inapitaꞌton acopirinhuëꞌ, Yosë nani shaꞌhuitërinco niꞌton, co inapita tërantaꞌ natanconahuëꞌ. Co huaꞌqui quëranhuëꞌ Arapia parti paato, Quisocristo nanamën yonquiarahuë. Ina quëran Tamascoquë paantarahuë.