Hechos 9:6 - Chayahuita (Shahui)

⁶ Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

Hechos 9:6 ပူးပေါင်းရင်းမြစ်များ

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Ezequiel 2:1

Ina quëran noninsoꞌ natanahuë: “Piyapinquën nipiranhuëꞌ, huaniquë nonchinquën,” itërinco.

Ezequiel 3:22

Inaquë chachin Sinioro sëꞌhuarahuatonco itaponco: “Huanirahuaton canonquë paquëꞌ. Inaquë yonquirahuëso shaꞌhuichinquën,” itërinco. Napotohuachincora, inatohua paꞌnahuë. Inaquë nipatëra, Quiparoiꞌ yonsanquë quënanahuëso pochachin, Yosë huënaráchin huënaráchin yaꞌnorinsoꞌ niꞌnahuë. Ina nicato isonahuë. Isonahuë quëran noꞌpaquë huarëꞌ monshomarahuë. Yosë ispiritonënso napoaponahuëꞌ, yaꞌcoancantatonco ahuanirinco. Ina quëran Sinioro nontatonco: “Paaton pëinënquë nioncorapiquëꞌ. Niꞌquëꞌ. Ama israiroꞌsarëꞌquën paꞌsápamaso marëhuëꞌ, noninoꞌsaquë tonpoarinën.

Habacuc 3:16

Inapita natanato paꞌyanëhuëquë shaꞌpianantërahuë. Paꞌhuëhuëntaꞌ, yamo yamóshin ninatanahuë. Yaꞌipi nonëhuëntaꞌ, co chinirinhuëꞌ ninatanahuë. Inapopirahuë mini: “Ipora ahuërarinacosopita sontaroꞌsasoꞌ, Siniorori iꞌhuërëtaton aꞌpayanarin. Tahuërinën nanihuachin, napotarin,” taꞌto sano cancantërahuë.

Mateo 19:30

Aꞌnaquënso ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ ipora topinan piyapi pochin nicaponaraihuëꞌ, aꞌna tahuëri chiníquën nanantapi, itërin Quisosori.

Lucas 3:10

—¿Maꞌtaꞌ onpoꞌii nipachin? itopi.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 10:6

Inasoꞌ, shaꞌhuëtëꞌ tapanaꞌpi Simon itopisoꞌ pëinënquë yacapatarin. Marë yonsanquë yaꞌhuërin, itërin.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Hechos 22:10

‘¿Maꞌtaꞌ Sinioro onpoꞌisoꞌ?’ itërahuë. ‘Huanirahuaton, ninanoquë paquëꞌ. Inaquë aꞌna quëmapi shaꞌhuitarinquën maꞌsona nicamasoꞌ,’ itërinco.

Hechos 26:16

Iporaso nipirinhuëꞌ huaniquëꞌ. Nani acoranquën piyapiꞌsaꞌ shaꞌhuitamaso marëꞌ. Nani niꞌnanco. Aꞌna tahuëri nohuantërahuësoꞌ aꞌnotaranquën. Yaꞌipi shaꞌhuiráquëꞌ.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.

Romanos 10:20

Isaiasëntaꞌ co tëꞌhuatonhuëꞌ, Yosë noninsoꞌ shaꞌhuirin. “Nisha piyapiꞌsaꞌ co yanohuitopirinacohuëꞌ, iporasoꞌ imasarinaco. Co iráca nohuantopirinacohuëꞌ, iporasoꞌ nohuitarinaco, tënin Yosë,” itërin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 5:20

Iráca Moisësë pënëntërin oshahuanëhuasoꞌ anitotinpoaso marëꞌ. Ina quëran naꞌcon oshahuanëhuasoꞌ nitotërëhuaꞌ. Naꞌcon oshahuanpirëhuahuëꞌ, inaora nohuanton, Yosë naꞌcon naꞌcon nosororinpoaꞌ.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

Filipenses 2:12

Iráca canpitataquë yaꞌhuapo, noya natanamaco. Noya natanatomaco, Yosë natëramaꞌ. Iporantaꞌ iyaroꞌsaꞌ nosororanquëmaꞌ niꞌton, co inatohuaꞌ yaꞌhuaporahuëꞌ, noya noya natëcoꞌ. Yaꞌnan imapomaꞌ, Yosë anoyacancantërinquëmaꞌ. Napoaton noya cancantatomaꞌ, imamiatocoꞌ. “Catahuaco Sinioro noya imainquën. Co caora nanitërahuëꞌ,” taꞌtomaꞌ imamiatocoꞌ. Niꞌcona Yosë naniantotamaꞌ.

Santiago 4:6

Sacaiꞌ Yosëíchin yonquicaso nipirinhuëꞌ, inari chachin inaora nohuanton catahuarinpoaꞌ ina pochin cancantacasoꞌ. “Caora noya ninahuë,” topatëhuaꞌ, co Yosë noya niꞌsarinpoahuëꞌ. Nipirinhuëꞌ, “Co caora nanitërahuëꞌ noya nicaꞌhuasoꞌ. Catahuaco Sinioro,” topatëhuaꞌ, Yosë catahuarinpoaꞌ. Nosoroatonpoaꞌ, catahuarinpoaꞌ, tënin Yosë quiricanënquë.

1 Samuel 16:3

Inatohua canconpatan, ohuacaꞌhua tëpaton chinotancoso marëꞌ Quisinta përaquëꞌ. Naporoꞌ carinquën anitotaranquën maꞌsona nicacasoꞌ. Insosona huayonahuësoꞌ, aꞌnotaranquën. Aꞌnotohuatënquën quëmari copirno nicacaso marëꞌ ina acoquëꞌ, itërin.

1 Samuel 28:5

Huiristinoꞌsa yaꞌhuëintapisoꞌ, Saono niꞌnin. Ina niꞌsahuaton, paꞌpi paꞌyamiatërin.