Hechos 9:40 - Chayahuita (Shahui)

⁴⁰ “Yaꞌipinquëmaꞌ pipicoꞌ Yosë nontëriꞌi,” itohuachina, paꞌpi. Nani paꞌpachinara, isonahuaton, Yosë nontërin. Ina quëran nonën tahuërëtahuaton, itapon: —Imoya Tapita, huënsëquëꞌ, itërin. Aꞌnaroáchin niꞌtiintarin. Pitro quënanahuaton, huënsërin.

Hechos 9:40 ပူးပေါင်းရင်းမြစ်များ

Mateo 6:6

Canpitaso nipirinhuëꞌ Yosë yanontohuatamaꞌ, canpitaoráchin onpopiyanquë tërantaꞌ Yosë nontacasoꞌ yaꞌhuërin. Quëmaoraíchin Yosë nontëquëꞌ. Co quënanpiranhuëꞌ, nataninquën. Co piyapiꞌsaꞌ natanpirinënquënhuëꞌ, Yosësoꞌ noya natanatënquën, acanaarinquën.

Mateo 9:25

Yaꞌipi piyapiꞌsaꞌ aipiran aꞌparahuaton, acoana chimipi yaꞌhuërinquë yaꞌconin. Maimirarahuaton, ananpitaantarin. Aꞌnaroáchin huanirin huachi.

Marcos 9:25

Naꞌa piyapiꞌsaꞌ niyontonquirapi niꞌsahuaton, aꞌnaroáchin sopai itapon: —Quëmasoꞌ sopainquën. Piyapi yaꞌcoancantohuatana, anëꞌhuëran. Napoaton carinquën napotaranquën. Iso huaꞌhuasha quëran pipirahuaton, ama huachi onporontaꞌ yaꞌcoancantantaquësohuëꞌ, itërin.

Lucas 22:41

Ina quëran amashamiachin paꞌsahuaton, isonin quëran, inaora Yosë nontërin:

Lucas 8:54

Quisososo nipirinhuëꞌ sanapiaꞌhua maimirarahuaton: —Huënsëquëꞌ, apiaꞌhua, itërin.

Hechos 20:36

Ina tosahuaton, inapitarë chachin isonin. Napohuachinara, Yosë nontërin inapita catahuacaso marëꞌ.

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Hechos 28:8

Paꞌpinso nipirinhuëꞌ chiníquën caniorin. Apira apira saporin. Nani huaꞌquiꞌ chiꞌchirárin. Paonori nicapon paꞌnin. Sëꞌhuamotorahuaton Yosë nontohuachina, aꞌnaroáchin noyatërin.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.