Hechos 9:4 - Chayahuita (Shahui)

⁴ Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

Hechos 9:4 ပူးပေါင်းရင်းမြစ်များ

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Génesis 22:11

Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Maꞌta Sinioro yaꞌhuëarahuë, itërin Apraani.

Génesis 3:9

Naꞌpitopirinahuëꞌ, inariso përarin: —Atan. ¿Insëquëta yaꞌhuaran? itërin.

Éxodo 3:4

Yaꞌcarirarinso niꞌsahuaton, Yosëri përarin: —¡Moisësë! ¡Moisësë! itërin. —Maꞌta Sinioro isëquë nisarahuë, tënin. —¡Ama aquëtë yaꞌcaricosohuëꞌ! ¡Isëquë yaꞌnotëranquën niꞌton, isëquë chachin sapatën ocoirahuaton chinotoco! itërin Yosëri.

Isaías 6:8

Naporoꞌ Sinioro noninsoꞌ natanahuë: “¿Inta iporaso aꞌpaꞌi? ¿Incha yaꞌhuërënamënpoa nanan shaꞌhuicaso marëꞌ paꞌnëꞌpoya?” tënin. “Maꞌta Sinioro ca yaꞌhuëarahuë. Ca nipachin aꞌpaco,” itërahuë.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Lucas 10:41

—Imoya. Nisha nisha maꞌsha yonquiaton, co noya cancantëranhuëꞌ.

Juan 18:6

—Ca mini inaco, itohuachina, paꞌyanpi. Aꞌna achiraꞌ pinën parti paꞌsahuatonaꞌ, pinëna quëran anotopi.

Juan 20:16

—¡Maria! itërin Quisosori. Tahuërëtahuaton, nohuitërin huachi. Inaora nananquë nontaton; —¡Raponi! itërin. Maistro tapon naporin.

Juan 21:15

Nani coshatohuatoira, Quisosori itërin: —Iya Simon, ¿isopita quëran naꞌcon naꞌcon nosoromiatëranco ti? itërin. —Nosororanquën Sinioro ina nitotëran, itërin. —Imarinacosopita carniroaꞌhuaroꞌsa pochin niꞌnahuë. Patontahuato, co incarisoꞌ aꞌpairarinhuëꞌ. Quëmari noya aꞌpaiton, aꞌchintëquëꞌ, itërin.

Hechos 5:10

Itohuachina, aꞌnaroáchin chiminaton, inaquë chachin anotërin antaꞌ. Huiꞌnapiꞌsaꞌ huëantarahuatonaꞌ, chimipi quënanquinantapi. Inantaꞌ quëpantarahuatonaꞌ, soꞌin pirayan paꞌpitopi.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.

Romanos 11:22

Ma noyacha Yosësoꞌ nosororinpoa paya. Co natëpisopitasohuëꞌ nipirinhuëꞌ, chiníquën anaꞌintarin. Inasáchin imapatamaꞌ, nosoromiatarinquëmaꞌ. Nipirinhuëꞌ naniantohuatamaꞌ, anaꞌintarinquëmaꞌ canpitantaꞌ.

1 Corintios 12:12

Nonënpoaꞌ aꞌnaíchin nipirinhuëꞌ, nisha nisha yaꞌhuëtërin. Yaꞌpiranpoaꞌ, nantënpoaꞌ, imiranpoaꞌ, inapita yaꞌhuëtërinpoaꞌ. Inapochachin Quisocristo imarëhuasopita nisha nisha nirihuarahuëꞌ, aꞌna huëntoínchin ninëhuaꞌ. Nonën pochin Quisocristo niꞌninpoaꞌ.

1 Corintios 4:7

Yosë nohuanton, nisha nisha nitotërëhuaꞌ. Co canpoara nohuanton, nitotërëhuahuëꞌ. Yosëíchin catahuarinpoaꞌ noya noya nicacasoꞌ. Co catahuarinpoahuëꞌ naporini, co mantaꞌ nitochitërihuahuëꞌ. Napoaton co nocantacasoꞌ yaꞌhuërinhuëꞌ.

Efesios 5:30

Imarëhuasopitasoꞌ inaora nonën pochin niꞌninpoaꞌ niꞌton, aꞌnaya aꞌnayanpoaꞌ nosororinpoaꞌ.