Hechos 9:35 - Chayahuita (Shahui)

³⁵ Inaquë yaꞌhuëpisopitari niꞌpi. Saronaquë yaꞌhuëpisopitarintaꞌ niꞌpi. Napoaton naꞌa piyapiꞌsaꞌ iráca yonquipisopita naniantatonaꞌ, Quisocristo imapi.

Hechos 9:35 ပူးပေါင်းရင်းမြစ်များ

Salmos 110:3

Copirno yaꞌconanso tahuëri chachin, piyapinënpita noyá nitaparahuatonaꞌ, paꞌyataponën. Natëmiatinënquënso marëntaꞌ, shaꞌhuitaponën. Poroncayo nani tashi shipihuaninso pochin huiꞌnapitëransonta ina chachin nisápon.

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Isaías 31:6

Israiroꞌsanquëmaꞌ. Canpitaso co natëtomacohuëꞌ, naꞌcon tëhuëtëramaco. Inapotopiramacohuëꞌ, huëco casáchin natëantaco.

Isaías 33:9

Shaꞌpirinahuëꞌ, co nítërinhuë niꞌton, noꞌpa chachionta sëtatona aꞌmopiso pochin ninin. Nipano tanan quëran huarëꞌ ahuiánahuanaton tapaninso pochin ninin. Saron motopianantaꞌ, inotëro pochin niconin. Pasan parti, Carmiro motopi parti, inaquënta nararoꞌsa ahuiánahuanatonaꞌ, nohuamonotopi.

Isaías 35:2

Nirio yanco huësoatërinso pochin capa cancantomiachin. Yosë nohuanton Nipano tanan pochin nicapon. Carmiro motopi, Saron motopiana, inapita noyaroꞌparoꞌsaquë pochin nani maꞌsha shaꞌpachinaꞌ, noya noyatapon. Inapohuachinaꞌ, Yosë chini chiníquën nanantërinsoꞌ niꞌsapi. Noya noya nininsoꞌ yaꞌnopon huachi.

Joel 2:13

Sinioro chachin tahuërëtaantacoꞌ. Inaso Yosënënpoaꞌ. Co napion sëtohuatamara, motoꞌ sëꞌmoramaꞌ. Ina pochin cancantatomaꞌ, oshanëma marëꞌ sëtocoꞌ. Siniorosoꞌ, noyápiachin cancantaton, aꞌnaroáchin yanosorotërin. Co aꞌnaroáchin noꞌhuitërinhuëꞌ. Nosoromiatërinpoaꞌ. Inasoꞌ, co insonta anaꞌintacaso nohuantërinhuëꞌ. Naporin.

Hechos 11:21

Yosëri catahuarin niꞌton, naꞌa piyapiꞌsaꞌ natëtonaꞌ, imapi. Iráca yonquipisoꞌ naniantatonaꞌ, Quisoso imasapi.

Hechos 15:19

“Napoaton nisha piyapiꞌsaꞌ Yosë imapachinaꞌ, noya niaꞌahuaꞌ, tënahuë. Co yaꞌipi Moisësë pënëntërinsoꞌ aꞌchintacaso yaꞌhuërinhuëꞌ.

Hechos 19:10

Catoꞌ piꞌipi inaquë yaꞌhuaton, aꞌchinin. Sinioro nanamën yaꞌipi Asia parti nahuinin. Cotioroꞌsaꞌ natantopi. Naꞌa nisha piyapiꞌsantaꞌ natantopi.

Hechos 19:20

Pënotonoꞌsantaꞌ pënotopisoꞌ aꞌporahuatonaꞌ, cancanëna quëran huarëꞌ imasapi niꞌton, Sinioro nanamën yaꞌipi parti nahuinin. Naꞌcon naꞌcon imasapi.

Hechos 2:47

“Ma noyacha Yosëso paya,” tosapi. Yaꞌipi piyapiꞌsari noya niꞌpi. Nani tahuëriya aꞌnapitantaꞌ imasapi niꞌton, Yosëri anoyacancantërin. Ina nohuanton, inapitantaꞌ yaꞌconpi.

Hechos 4:4

Naꞌa piyapiꞌsaso nipirinhuëꞌ nanamën natanahuatonaꞌ, natëpi. Nani aꞌnatërápo huaranca pochin quëmapiꞌsaꞌ Quisoso imasapi.

Hechos 6:7

Ina quëran caꞌtanoꞌsaꞌ nani tahuëri pënëntapi. Yosë nanamën aꞌchinapi. Aquë aquëtëꞌ nahuinin. Quirosarinquë naꞌcon naꞌcon piyapiꞌsaꞌ imasapi. Naꞌa corto huaꞌanoꞌsantaꞌ Quisoso nanamën natëpi.

Hechos 9:34

—Iya Iniasë, Quisocristo anoyatarinquën. Huanirahuaton, pëꞌsaraꞌhuaya tapaquë huachi, itërin Pitrori. Napotohuachina, aꞌnaroáchin huanirin.

Hechos 9:42

Yaꞌipi ninanoquë nahuinin. Naꞌa piyapiꞌsaꞌ Quisoso natëpi.

2 Corintios 3:16

Quisocristo imapatëhuaꞌ, co huachi nipaꞌcopirayatërëso pochin cancantarihuahuëꞌ. Sinioro noya nohuitarihuaꞌ.

Deuteronomio 4:30

Nisha nisha parisitápatomaꞌ, mamanshi chinotëramaso aꞌpoaramaꞌ. Ina aꞌpoatoma Sinioroíchin chinotocoꞌ. Napohuatamaꞌ, inaso nóya nichinapon chachin, co aꞌpoarinquëmahuëꞌ. Co ataꞌhuantarinquëmahuëꞌ. Noya cancantaantahuatamaꞌ, shimashonëmapitarëꞌ anoyatërinso yonquiaton catahuantarinquëmaꞌ: ‘Caso Yosëco niꞌto, noꞌtëquën nontëranquën,’ itërin niꞌton, catahuarinquëmaꞌ.