Hechos 9:3 - Chayahuita (Shahui)

³ Ina quëran Tamascoquë paꞌnin. Yaꞌcaritërahuasoꞌ, aꞌnaroáchin inápa quëran huënaráchin huënaráchin aꞌpintërin.

Hechos 9:3 ပူးပေါင်းရင်းမြစ်များ

Salmos 104:2

Quëmasoꞌ noyasáchin nicaton, tahuëri pochin cancantëran. Nëꞌmëtëquë paꞌshintërëso pochin piꞌiroꞌtënta acoran.

Hechos 22:6

Paꞌsápatoi Tamascoquë yaꞌcaritërarai. Camotëchin nisahuasoꞌ, aꞌnaroáchin inápa quëran huënaráchin huënaráchin aꞌpintërinco.

Hechos 9:17

Ina natanahuaton, Ananiasë paꞌnin. Cotasë pëinënquë yaꞌconconahuaton, Saono sëꞌhuaconin: —Iya Saono. Sinioro Quisoso iraquë yaꞌnotërinquënso shaꞌhuitërinco niꞌton, huëꞌnahuë. Ina nohuanton, apira noya niꞌtaantaran. Naporahuaton, Ispirito Santo noyá yaꞌcoancantarinquën, itërin.

Hechos 9:27

Pirnapiso nipirinhuëꞌ natërin. Natëton, Saono quëparin caꞌtanoꞌsaꞌ nontacaso marëꞌ. “Saono ira paꞌtasoꞌ, Quisoso quënanin. Nontërinsontaꞌ natanin. Tamascoquë chiníquën cancantaton, Quisoso nanamën shaꞌhuirin,” itërin.

1 Corintios 15:8

Piquëran huarëꞌ cantaꞌ niꞌnahuë. Anaꞌhuaya pochin nipirahuëꞌ, inápa quëran yaꞌnotimarinco. Naporo huarëꞌ imarahuë.

1 Corintios 9:1

Co inso piyapi tërantaꞌ camairincohuëꞌ. Quisocristo chachin acorinco nanamën aꞌchinaꞌhuaso marëꞌ. Inápaquë panantarinsoꞌ piquëran cari niꞌnahuë. Ina catahuarinco aꞌchinaꞌhuasoꞌ. Aꞌchintohuatënquëmara, canpitantaꞌ imaramaꞌ.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.

Apocalipsis 22:5

Co onporontaꞌ tashiaponhuëꞌ. Co huachi piꞌi nohuantarihuahuëꞌ. Co nanparin tërantaꞌ nohuantarihuahuëꞌ. Tata Yosëíchin aꞌpintarinpoaꞌ. Ichihuaꞌanëntarinpoaꞌ. Co onporontaꞌ pipiarihuahuëꞌ.