Hechos 9:23 - Chayahuita (Shahui)

²³ Napoaton huaꞌqui quëran cotioroꞌsari tëpacaisoꞌ yonquipi.

Hechos 9:23 ပူးပေါင်းရင်းမြစ်များ

Hechos 13:50

Cotioroꞌsaso nipirinhuëꞌ ninanoꞌ huaꞌanoꞌsaꞌ nontopi. Sanapiꞌsantaꞌ chiníquën nanantopisopita nontopi, Yosë chinotopisopita nininsoꞌ. “Paono co noya quëmapihuëꞌ. Pirnapintaꞌ co noyahuëꞌ. Co isëquë nohuantëraihuëꞌ,” toconpi. Napotatonaꞌ, aparisitahuatonaꞌ, aꞌpapi.

Hechos 14:19

Napoaponahuëꞌ, cotioroꞌsari huëcapairahuatonaꞌ, anishacancantopi. Aꞌnaquën Antioquia quëran huëꞌpi. Aꞌnapitantaꞌ Iconio quëran huëꞌpi. Huëꞌsahuatonaꞌ, Paono, Pirnapi, inapita shaꞌhuirapipi niꞌton, noꞌhuipi. Noꞌhuirahuatonaꞌ, Paono mapi. Masahuatonaꞌ, naꞌpiquë tëꞌyarahuachinara, chiminpirinhuëꞌ. Ohuararahuatonaꞌ, ninano intonquë tëꞌyatonpi. “Nani chiminin,” taꞌtonaꞌ inaquë patopi.

Hechos 14:2

Aꞌnaquën cotioroꞌsaso nipirinhuëꞌ, co yanatëpihuëꞌ. Napoaton, nisha piyapiꞌsaꞌ nontatonaꞌ, anishacancantopi. “Quisoso imapisopita co noya piyapisahuëꞌ,” itopi. Napoaton aꞌnaquën co yaimatonahuëꞌ, imapisopita noꞌhuipi.

Hechos 15:26

Sinioro Quisocristo nanamën shaꞌhuipiso marëꞌ naꞌcon aparisitopi. Aꞌnaquëni noꞌhuitonaꞌ, piꞌpíshachin shitëpapi.

Hechos 20:3

Inaquë cara yoqui yacapatërin. Ina quëran Siria parti yapaꞌpirinhuëꞌ. Nanchaquë yayaꞌconasoꞌ, cotioroꞌsari yatëpapisoꞌ natantërin. Napoaton co inaquë paꞌninhuëꞌ. “Masitonia parti paantarahuë,” taꞌton, ira paꞌtërin.

Hechos 23:12

Tahuëririnquë aꞌnaquën cotioroꞌsaꞌ chinotopi Paono tëpacaisoꞌ. “Ama huachi caꞌahuasohuëꞌ. Ama oꞌoahuasohuëꞌ. Paono tëpaquë huarëꞌ caꞌahuaꞌ. Co tëparihuarahuëꞌ caꞌpatëhuaꞌ, Yosë anaꞌinchinpoaꞌ,” nitopi.

Hechos 9:16

Nanamëhuë aꞌchininso marëꞌ naꞌcon parisitapon. Inantaꞌ cari anitotarahuë,” itërin Quisosori.

Hechos 9:22

Saonosoꞌ chiníquën cancantaton, nóya aꞌchinarin. “Tëhuënchachin Yosëri Cristo aꞌpaimarin. Inasoꞌ Quisoso chachin. Yosë quiricanën quëran noꞌtëquën anitotërinpoaꞌ,” taꞌton, naꞌcon aꞌchintërin. Cotioroꞌsaꞌ inaquë yaꞌhuëpisopita nisha nisha yonquiatonaꞌ, co nanitopihuëꞌ aꞌpanitacaisoꞌ.

2 Corintios 11:26

Aꞌchinacaꞌhuaso marëꞌ paꞌsárahuë. Iiroꞌsaꞌ panca pamatohuachina, shichimiitërahuë. Ihuatëroꞌsantaꞌ yatëparinaco. Cantaꞌ cotio piyapico nipirahuëꞌ, cotioroꞌsaꞌ noꞌhuitonaco, yaahuërinaco. Nisharoꞌsantaꞌ noꞌhuirinaco. Panca ninanoroꞌsaquë aꞌnaquën yaahuërinaco. Co piyapi yaꞌhuërinquëontaꞌ maꞌsha onporahuë. Marë paꞌtohuatëra, parisitërahuë. Aꞌnaquën: “Quiyantaꞌ imarai,” taponaraihuëꞌ, chiníquën noꞌhuirinaco.