Hechos 9:11 - Chayahuita (Shahui)

¹¹ “Huanirahuaton, noꞌtëquën cachi itopiquë paquëꞌ. Inatohuaꞌ Cotasë pëinën yaꞌhuërin. Inaquë aꞌna quëmapi Tarsoquë yaꞌhuërinsoꞌ yacapatarin. Inasoꞌ Saono itopi. Apira inasoꞌ nontarinco.

Hechos 9:11 ပူးပေါင်းရင်းမြစ်များ

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Juan 4:10

—Yosë yanicanapirinquënhuëꞌ, co quëmasoꞌ nitotëranhuëꞌ. “Iꞌsha mananso cantaꞌ oꞌoi,” itëranquën nipirinhuëꞌ, co nohuitërancohuëꞌ. Nohuitëranco naporini, quëma nataintoncohuëꞌ. Carinquën nanpirin iꞌsha quëchitënquënhuëꞌ, itërin Quisosori.

Hechos 11:13

Yaꞌconpatoira, Cornirio itërincoi: “Pëinëhuëquë Yosë nontasoco, anquëni yaꞌnotirinco, niꞌnahuë. ‘Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 11:25

Ina quëran Pirnapi Tarsoquë paꞌnin Saono yonípon. Inaquë yoniton, quënanin.

Hechos 2:21

“Nichaꞌëco Sinioro,” topachinaꞌ, nichaꞌësarin. Anoyacancantahuaton, nichaꞌësarin huachi,’ tënin Coiro iráca ninshitaton.

Hechos 21:39

—Co inacohuëꞌ. Casoꞌ cotio quëmapico. Tarsoquë nasitërahuë. Inasoꞌ panca ninanoꞌ, Sirisia parti yaꞌhuërinsoꞌ. Yaꞌipi piyapiꞌsaꞌ nohuitopi. Isopita piyapiꞌsaꞌ nonchi, topirahuëꞌ, itërin.

Hechos 22:3

“Cantaꞌ iyaroꞌsaꞌ cotio piyapico. Tarsoquë nasitërahuë. Sirisia parti nasitopirahuëꞌ, isëquë huëcato, huiꞌnapitërahuë. Maistro Camariro aꞌchintërinco. Shimashonënpoaꞌ pënëntërinso chachin yaꞌipi aꞌchintërinco. Huaꞌhuatapo quëran huarëꞌ chiníquën Yosë yonquirahuë. Aꞌnaya tërantaꞌ nisha yonquihuachinara, canpita pochachin noꞌhuirahuë.

Hechos 8:22

Paꞌpi co noyahuëꞌ yonquiran. Catinaquë tonporëso pochin ninan niꞌton, co piꞌpian tërantaꞌ Yosë yanatëranhuëꞌ. Napoaton co noyahuëꞌ yonquiransopita naniantaton, Yosë nontëquëꞌ tapona oshanën yainquitápirinquënhuëꞌ, itërin.

Hechos 8:26

Ina quëran Sinioro anquëninëni yaꞌnotimarahuaton, Pinipi shaꞌhuitërin: “Huanirahuaton, Quirosarin quëran Casaꞌpaꞌ ira paꞌninso paꞌtëquëꞌ,” itërin. Inatohuaꞌ inotërachin yaꞌhuërin.

Hechos 9:30

Yatëpapirinahuëꞌ, imapisopita natanahuatonaꞌ, Sisariaquë quëpapi. Inaquë quëparahuatonaꞌ, Tarsoquë aꞌpapi.

Deuteronomio 4:29

Napoaponahuëꞌ, inaquë niꞌsëma yaꞌipi cancanëma quëran, nisahuaton yaꞌipi huaꞌyanëma quëran Sinioro nontohuatamaꞌ, natanatënquëma catahuaarinquëmaꞌ.