Hechos 8:34 - Chayahuita (Shahui)

³⁴ —¿Ma quëmapitaꞌ yatëpapisoꞌ? Isaiasë nica. Aꞌna quëmapi nica. Co casoꞌ nitotërahuëꞌ. Shaꞌhuitoco cantaꞌ nitochi, itërin huaꞌani.

Hechos 8:34 ပူးပေါင်းရင်းမြစ်များ

Mateo 13:36

Ina quëran piyapiꞌsaꞌ patahuaton, pëiquë yaꞌconconin. Inaquë caꞌtanoꞌsanënpitari itaponaꞌ: “Achin sacaiꞌ pochin pënënto nanan aꞌchintopirancoihuëꞌ. Pacatëroꞌ shaꞌpisoꞌ co nitotëraihuëꞌ. ¿Maꞌtaꞌ tapon naporan? Aꞌchintantacoi nitochii,” itopi.

Mateo 15:15

—Achin Maistro aꞌchintërancoisoꞌ, aꞌchintaantacoi quiyantaꞌ noꞌtëquën nitochii, itërin Pitrori.

Hechos 8:27

Shaꞌhuitohuachina, paꞌnin. Paꞌsapirinhuëꞌ, aꞌna quëmapi quënanconin, Itiopiaquë yaꞌhuërinsoꞌ. Inasoꞌ huaꞌan. Itiopia copirno paya Cantasi itopisoari nani acorin yaꞌipi coriquinën aꞌpaicaso marëꞌ. Huaꞌansoꞌ iꞌhua Quirosarinquë pantarin Yosë chinotacaso marëꞌ.

Hechos 8:33

Nonpinapipi niꞌton, coisë co noꞌtëquën shaꞌhuirinhuëꞌ. Tëpapi niꞌton, co aꞌna huiꞌnin tërantaꞌ yaꞌhuërërinhuëꞌ,” tënin quiricanënquë.

Hechos 8:35

“Quisoso ninoton, Isaiasë ninshitërin,” itahuaton, ina quirica chachin nontaton, yaꞌipi Quisoso nanamën aꞌchintërin.