Hechos 8:20 - Chayahuita (Shahui)

²⁰ Pitrorisoꞌ itapon: —Maꞌpitacha yonquiran paya. Coriqui marëꞌ Ispirito Santo ¿yamaꞌparanco ti? Co ina marëꞌ Yosë quëtërinpoahuëꞌ. Co inasoꞌ paꞌanëhuëꞌ. Ina pochin yonquihuatan, parisitopiquë paꞌsaran. ¡Coriquirëꞌquën chachin inaquë paꞌsaran!

Hechos 8:20 ပူးပေါင်းရင်းမြစ်များ

Isaías 55:1

Sinioro tënin: “Yamororëso pochin cancantohuatamaꞌ, huëco anoyacancanchinquëmaꞌ. Co coriqui yaꞌhuëtopirinquëmahuëꞌ, catahuararanquëmaꞌ. Nontohuatamaco cosharo achinitërinso pochachin achincancanaranquëmaꞌ. Huino, ohuaca shoꞌshoiꞌ, inapita achinitërinso pochin asanocancanaranquëmaꞌ.

Daniel 5:17

Napotohuachina: —Yanicanarancosopitasoꞌ, quëmaora chachin maantaquëꞌ. Huaꞌanëntëranso pëiquë sacatohuato, noya niꞌsarinaco. Inapotiinacosontaꞌ, aꞌna piyapi quëtëquëꞌ. Co manta acanaancoso nohuantaporahuëꞌ, pairaquë maꞌsona tapon ninshitopisoꞌ, shaꞌhuitaranquën.

Mateo 10:8

Caniaꞌpiroꞌsaꞌ aꞌnaroáchin anoyatocoꞌ. Chimipiroꞌsantaꞌ, ananpitaantacoꞌ. Chana caniori maninsontaꞌ quënanpatamaꞌ, anoyatocoꞌ. Aꞌnapitantaꞌ sopairoꞌsari yaꞌcoancantopi niꞌton, paꞌpi huaꞌyantopi. Quënanpatamaꞌ, sopairoꞌsaꞌ aꞌpatocoꞌ piyapiꞌsaꞌ noyachinaꞌ. Co mantaꞌ pahuërëtapomarahuëꞌ, Yosësoꞌ inaora nohuanton, catahuarinquëmaꞌ niꞌton, ama pahuërë nitocosohuëꞌ.

Mateo 15:19

Co noyahuëꞌ yonquihuatamara, tëpatëramaꞌ, nitëhuananpitëramaꞌ, monshihuanacasoáchin yonquiramaꞌ, ihuatëramaꞌ, nonpintëramaꞌ, pinotëramaꞌ.

Hechos 1:18

Shaꞌhuirapirinso marëꞌ coriqui quëtopi. Ina coriquinënquë noꞌpaꞌ paꞌanpi. Cotasësoꞌ nitëparahuaton, noꞌpaquë anotaton, yaꞌpoirin. Chiꞌchirinamën pipirin.

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 11:17

Sinioro Quisocristo imapatëhuaꞌ, Yosë nohuanton, Ispirito Santo yaꞌcoancantërinpoaꞌ. Inapitasoꞌ nisha piyapiꞌsaꞌ niponaraihuëꞌ, imapachinara, inapochachin Ispirito Santori yaꞌcoancantërin. Yosëri noya niꞌpachina, inapochachin cantaꞌ noya niꞌi, tënahuë. ¡Co casoꞌ nanitërahuëꞌ nisha yonquiaꞌhuasoꞌ! itërin Pitrori.

Hechos 2:38

Napotohuachinara, Pitrori itaantarin: —Yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. “Quisocristo imarahuë,” taꞌtomaꞌ, aporihuancoꞌ. Ina imapatamaꞌ, Yosë oshanëmaꞌ inquitarinquëmaꞌ. Ina quëran Ispirito Santo ayaꞌcoancantarinquëmaꞌ canpitantaꞌ.

Hechos 8:22

Paꞌpi co noyahuëꞌ yonquiran. Catinaquë tonporëso pochin ninan niꞌton, co piꞌpian tërantaꞌ Yosë yanatëranhuëꞌ. Napoaton co noyahuëꞌ yonquiransopita naniantaton, Yosë nontëquëꞌ tapona oshanën yainquitápirinquënhuëꞌ, itërin.

Deuteronomio 7:26

Inapitasoꞌ co Siniorori nohuantërinhuëꞌ niꞌton, ataꞌhuantamaso yaꞌhuërin. Napoaton ama pëinëmaquë quëpacosohuëꞌ. Quëpahuatamaꞌ, canpitanta Sinioro ataꞌhuantarinquëmaꞌ: ‘Inasoꞌ, co Siniorori nohuantërinhuëꞌ,’ tocoꞌ,” tënin Moisësë.

1 Timoteo 6:9

Aꞌnaquënso nipirinhuëꞌ coriqui canacasoáchin yonquipi. Inasáchin cancantatonaꞌ, sopai natëpi. Nani maꞌsha nohuantatonaꞌ huënsonquë maꞌsha manëso pochin nisapi. Inasáchin yonquiatonaꞌ, aquë aquëtëꞌ nohuantaponaꞌ. Ina marëꞌ Yosëri chiníquën anaꞌintarin.

Santiago 5:3

Coriquinëmantaꞌ topinan quëran canaramaꞌ. Huaꞌna chiꞌchirotërinso pochin napoonin nisarin. Co canamiataramahuëꞌ. Canpitaora marëáchin coriqui yontonamaꞌ niꞌton, Yosë chiníquën anaꞌintarinquëmaꞌ. Pënquë parisitaramaꞌ. Naꞌa coriqui canapomarahuëꞌ, nani ayaroꞌ tahuëri yaꞌcaritëriarin.

Apocalipsis 18:15

Maꞌsha paꞌanaꞌpiroꞌsaꞌ naꞌcon canapirinahuëꞌ, sëtapi huachi. Tëꞌhuatatonaꞌ, aquë quëran notërapi. Naꞌnëpona pochin