Hechos 8:2 - Chayahuita (Shahui)

² Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.

Hechos 8:2 ပူးပေါင်းရင်းမြစ်များ

Génesis 23:2

Ina quëran Quiria-arpa ninanoquë chiminin. Ina ninanosoꞌ, Ipron itopi antaꞌ. Inaso Canaan parti yaꞌhuërin. Saꞌin chimininso marëꞌ Apraansoꞌ, sëtaton, naꞌnërárin, ayanárin, naporin.

Génesis 50:9

Sontaroꞌsantaꞌ, aꞌnaquën toronanoꞌsaquë, aꞌnaquënso cahuarioroꞌsaquë, Cosi caꞌtanpi. Napoaton huaꞌhuayátërahuë piyapiꞌsa paꞌpi.

Números 20:29

“Aaron chiminin huachi,” taꞌtonaꞌ, israiroꞌsasoꞌ naꞌcon sëtopi. Cara shonca tahuëri ina marëꞌ naꞌnërápi.

Marcos 6:29

Imarinsopitasoꞌ, natantahuatona huëꞌpi. Nonën quëparahuatonaꞌ, paꞌpitopi huachi.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 2:5

Ina ninanoquë chachin naꞌa cotioroꞌsaꞌ yaꞌhuëapi. Nisha nisha parti quëran huëꞌpi Yosë chinotacaiso marëꞌ. Napoaton nisha nisha nananquë nonpi.

Hechos 8:1

Istipan tëpasoiꞌ, Saonontaꞌ: “Tëpacoꞌ,” tënin. Naporo quëran huarëꞌ cotio huaꞌanoꞌsaꞌ noꞌhuitatonaꞌ, Quisoso imapisopita chiníquën aparisitopi. Quirosarinquë napopi. Aparisitatonaꞌ, ayanquëëpi. Yaꞌipi Cotia parti, Samaria parti, inaquëpita yanquëëpi. Caꞌtanoꞌsaráchin co paꞌpihuëꞌ.

Hechos 8:3

Saonoso nipirinhuëꞌ Quisoso imapisopita aparisitaton, pëinënaquë huarëꞌ yaꞌconaꞌpiarin. Quëmapiꞌsaꞌ masahuaton, ohuararahuaton, tashinan pëiquë poꞌmorin. Sanapiꞌsantaꞌ inaquë poꞌmorin.

Deuteronomio 34:8

Cara shonca tahuëri israiroꞌsaꞌ, Moisësë chimininso yonquiatonaꞌ, naꞌnërápi. Moapo inotëro parti napopi. Inachintopiso niꞌton, inanapo tahuëri naꞌnëtopi.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.