Hechos 8:10 - Chayahuita (Shahui)

¹⁰ Yaꞌipi Samariaquë yaꞌhuëpisopitari natëpi. Yaꞌipi piyapiꞌsaꞌ, huaꞌanoꞌsa quëran huarëꞌ natëpi. “Iso quëmapi Yosë pochin ninin. Nani maꞌsha nanitaparin,” topi.

Hechos 8:10 ပူးပေါင်းရင်းမြစ်များ

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Jonás 3:5

Yaꞌhuëhuanoꞌsaso ina natanahuatonaꞌ, yaꞌipiya quëran natëpi: “Tëhuënchachin Yosë napotarinpoaꞌ. Huëco paꞌahua ayono nicatëhua Yosë nontahuaꞌ. Co noyahuëꞌ nicatëhua oshahuanëhuasoꞌ, aꞌpoaꞌahuaꞌ. Paꞌpi sëtërëhuaso aꞌnocaso marëntaꞌ, saꞌcatën nininso aꞌmoahuaꞌ,” niitopi.

Hechos 14:11

Piyapiꞌsari niꞌsahuatonaꞌ, Niconia nananquë ninontopi: —Yosëroꞌsaꞌ isëquë oꞌmatonaꞌ, piyapi taraimapi, topi.

Hechos 28:6

“Apira pomatarin. Aꞌnaroáchin anotahuaton, chiminapon,” tëcatonaꞌ huaꞌquiꞌ niꞌsapirinahuëꞌ, co mantaꞌ onporinhuëꞌ. Napoaton “Co ipora tëpatonaꞌpihuëꞌ. Yosë pochin niponahuëꞌ, piyapi taramara,” nitopi.

1 Corintios 1:24

Canpoaso nipirinhuëꞌ Yosë huayoninpoaꞌ niꞌton, Quisocristo imarëhuaꞌ. Inasoꞌ noꞌtëquën yonquirin. Yaꞌipiya nitotaton, noꞌtëquën anitotërinpoaꞌ. Inasáchin nanitaparin anoyacancantinpoasoꞌ, tënëhuaꞌ. Quiyantaꞌ cotio piyapicoi nipiraihuëꞌ, canpitantaꞌ nisha piyapinquëmaꞌ nipomarahuëꞌ, Yosë nohuanton, imarëhuaꞌ.

2 Corintios 11:19

Inapitasoꞌ nocanpirinënquëmahuëꞌ, noya natanamaꞌ niꞌquëhuarëꞌ, cantaꞌ piꞌpian tërantaꞌ natanco, topirahuëꞌ.

Efesios 4:14

Ina quëran noꞌtëquën yonquiarihuaꞌ. Co huachi huaꞌhuaroꞌsa pochin cancantarihuahuëꞌ. Huaꞌhuaroꞌsasoꞌ co yonquiyatërapihuëꞌ niꞌton, nisha nisha natëtopi. Canpoaso nipirinhuëꞌ chinotënpoa pochin noꞌtëquën yonquiaꞌahuaꞌ. Niꞌcoꞌ. Panca ihuan huëꞌpachina, poti niquëran niquëran ohuërërin. Co noꞌtëquën yanponinhuëꞌ. Inapochachin aꞌnaquën nisha nisha nanan natanpachinara, nisha nisha yonquipi. Co Quisocristo nanamënáchin yonquipihuëꞌ. Aꞌnaquën nisha nisha aꞌchinapi. Noyá nitotopi nonpinacaisoꞌ. Nonpin nanan imatonaꞌ, yanonpintopirinënquëmahuëꞌ, ama piꞌpian tërantaꞌ natëcosohuëꞌ.

2 Pedro 2:2

Co noꞌtëquën aꞌchintatonaraihuëꞌ, naꞌa piyapiꞌsaꞌ nonpintapi. “Noya noꞌpicasoꞌ, noya monshihuanacasoꞌ,” taꞌtonaꞌ, co noyahuëꞌ nisapi. Naꞌa piyapi natanahuatonaꞌ, inapita pochin cancantapi. “Imarai quiyantaꞌ,” taponaraihuëꞌ, co noyahuëꞌ nisapi. Ina marëꞌ aꞌnapitari nicatonaꞌ, Quisocristo pinosapi. “Quisocristo nanamën co imacasoꞌ yaꞌhuërinhuëꞌ. Ina imapisopitasoꞌ co noyahuëꞌ nipi,” taꞌtonaꞌ, co noꞌtën nanan yaimasapihuëꞌ.

Apocalipsis 13:3

Aꞌna motën ahuëtohuachinaꞌ, chiminatë pochin niponahuë, noyatantarin. Noyatohuachin, yaꞌipi piyapiꞌsaꞌ paꞌyanapi. Paꞌyatatonaꞌ, imasapi.