Hechos 7:45 - Chayahuita (Shahui)

⁴⁵ Ina quëran huiꞌninpitantaꞌ inachachin pëiꞌ yaꞌhuëtopi. Nisha piyapiꞌsaꞌ isëquë yaꞌhuëpirinahuëꞌ, Yosë nohuanton, aꞌpapi. Cosoiri minsëhuachina, aꞌpapi isëquë yaꞌhuëcaiso marëꞌ. Ina pëi chachin isëquë quëpi Yosë chinotacaiso marëꞌ. Tapi huaꞌan yaꞌconaquë huarëꞌ ina pëiquë Yosë chinotopi.

Hechos 7:45 ပူးပေါင်းရင်းမြစ်များ

1 Reyes 8:4

Aꞌnapitantaꞌ, nëꞌmëtë pëinën soꞌnanapi. Soꞌnanahuatona inarë chachin quëpapi. Inaquë ohuaracaiso marëꞌ nisha nisha acopisontaꞌ, quëpapi. Iráca Yosë camaitërinso chachin nitopi.

Nehemías 9:24

Napotëranso chachin shinpitari Canaan noꞌpaꞌ huaꞌanëntopi huachi. Cananoꞌsari inaso noꞌpaꞌ huaꞌanëntopirinahuëꞌ, quëma nohuanton canapi. Inapotatona atapanpi. Naꞌa copirnoroꞌsa yaꞌhuëpirinahuëꞌ canapi. Nisha nisha piyapiroꞌsa nipirinahuëꞌ, canapi. Canarahuatonaꞌ, nohuantopiso nitopi.

Salmos 80:8

Opa paꞌhuë ocoirëso pochin piyapinëpitacoi Iquipito quëran ocoirancoi. Inpio nacionoꞌsaquë yaꞌhuëpisopita aꞌparahuaton, noꞌpanënaquë shacatë pochin nitërancoi.

Hechos 13:19

Ina nohuanton, Canaan parti paꞌpi. Inatohuaꞌ nisha nisha piyapiroꞌsaꞌ yaꞌhuëpi, nisha nisha nananquë nonpisopita. Canchisë huënton yaꞌhuëpirinahuëꞌ, co Yosë natëpihuëꞌ niꞌton, ina nohuanton minsëpi. Inaquë chachin shimashonënpoapita yaꞌhuëpi. Yosëri catahuarin niꞌton, ina noꞌpaꞌ huaꞌanëntopi.

Josué 24:18

Huëꞌnaitaquëchin nisha nisha piyapiroꞌsa yaꞌhuëpirinahuëꞌ, inari chachin inapita aꞌparin. Amororoꞌsaꞌton isëquë yaꞌhuëpirinahuëꞌ, aꞌparin. Napoaton quiyanta Sinioroíchin chinotarai. Inaíchin Yosënëhuëi niꞌton, chinotarai, itopi.

1 Samuel 4:4

Ninapotatonaꞌ, sontaroꞌsa aꞌpapi. Inapitasoꞌ paꞌsahuatonaꞌ, Siniororë anoyatopiso caposonën macontapi. Siniorosoꞌ yaꞌipi nanitapaton, quiropinoꞌsa huáncana shiranënquë huënsaton huaꞌanëntërin. Iri huiꞌninpita: Opini, Pinisë, inapitanta paꞌpi. Inapitari Siniororë anoyatopisoꞌ caposonën aꞌpaipi niꞌton, inahuanta caꞌtantopi.