Hechos 7:34 - Chayahuita (Shahui)

³⁴ Piyapinëhuëpita Iquipitoquë yaꞌhuëpirinahuëꞌ, parisitápi niꞌnahuë. Chiníquën aparisitopi niꞌton, tarëtápi, natanahuë. Napoaton nichaꞌësarahuë huachi. Huëquëꞌ inatohuaꞌ aꞌpaꞌinquën nichaꞌëcamaso marëꞌ,” itantarin.

Hechos 7:34 ပူးပေါင်းရင်းမြစ်များ

Génesis 11:5

Napopirinahuëꞌ, Sinioroso oꞌmarin. Oꞌmarahuaton ninanoꞌ, tori, inapita nisapiso niꞌquimarin.

Génesis 11:7

Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.

Génesis 18:21

Napoaton inatohua paꞌsarahuë. ¿Shaꞌhuitërinacoso chachin taꞌma nisapi? taꞌto, nitotaꞌhuaso marëꞌ paꞌsarahuë.

Nehemías 9:9

Shimashonëhuëipita Iquipitoquë paꞌpi aparisitapirinahuëꞌ, Quëhuaiꞌ marë yonsanquë naꞌnëtërinënsoꞌ natanaton, catahuaran.

Salmos 105:26

Napohuachina piyapinën Moisësë itopisoꞌ aꞌpatërin. Aaronta huayonin niꞌton, inarë paꞌnin.

Éxodo 3:14

—Israiro ansianoꞌsa ayontonahuaton shaꞌhuitëquëꞌ: “Naporin Yosë: ‘Caso Yosëco yaꞌhuëmiatërahuë. Sinioro itaramaco. Shimashonëmapita Apraan, Isaco, Cacopo, inapita chinotërinaco. Iquipitoquë chiníquën aparisitërinëmaso nitotërahuë. Nani yonquirahuë nichaꞌëaꞌhuamaso marëꞌ. Iquipito quëran ocoirahuatënquëmaꞌ, Canaan parti quëpaaranquëmaꞌ. Inaquësoꞌ, cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Inapitasoꞌ, co manta chinotërinacohuëꞌ. Inaso noꞌpaꞌ noya noya, inaquëso co manta pahuaninhuëꞌ,’ tënin,” itëquëꞌ. Ina yaꞌnotatonco nontaꞌhuanquëmaso marëꞌ aꞌparinco.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Isaías 64:1

Maꞌcha Sinioro piꞌiroꞌtë osharëso pochin nitaton oꞌmaranhuë paya. Inaporan naporini, motopiroꞌsa anaconchitonhuëꞌ.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Números 11:17

Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Juan 3:13

Co inso piyapi tërantaꞌ inápaquë pantarinhuëꞌ. Casáchin ina quëran oꞌmarahuë. Yosë quëran quëmapico niꞌto, inápa quëran oꞌmarahuë. Napoaton casáchin inápaquë yaꞌhuërinsoꞌ aꞌchintaranquëmaꞌ.

Juan 6:38

Co caora nohuanto, maꞌsha ninahuëꞌ. Inápa quëran oꞌmarahuë Tata Yosë natëcaꞌhuaso marëꞌ. Ina aꞌpaimarinco.

Jueces 2:18

Inimiconënpitari aparisitahuachinara, israiroꞌsa tarëtatona naꞌnërápi. Naporoꞌ Siniorori nosororin. Ina nohuanton inapita catahuacaso marëꞌ huaꞌan huanirin. Ina nanpisoꞌ Siniorori catahuarin niꞌton, inimiconënpita quëran israiroꞌsa nichaꞌërin.