Hechos 7:27 - Chayahuita (Shahui)

²⁷ Ahuëtonaꞌpiso nipirinhuëꞌ co nohuantërinhuëꞌ natëcasoꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ.

Hechos 7:27 ပူးပေါင်းရင်းမြစ်များ

Éxodo 2:14

Napotopirinhuëꞌ, ahuëtonaꞌpiriso itapon: —¡Co insonta camaiancoso marëꞌ nanan quëtërinquënhuëꞌ! Co coisë pochin nicamaso yaꞌhuërinhuëꞌ. Iꞌhuara Iquipito quëmapi tëparanso pochin ¿ca yaꞌhuërëꞌ yatëpaantamaranco ti? itërin. Ina natanahuaton, Moisësë paꞌyanin: “Iquipito quëmapi tëparahuësoꞌ nani yaꞌipi nitotopi,” tënin yonquinënquë.

Mateo 21:23

Ina quëran Yosë chinotopiso pëiquë paantarin piyapiꞌsaꞌ aꞌchintantacaso marëꞌ. Aꞌchinaquëyaꞌ, cotio ansianoꞌsaꞌ, corto huaꞌanoꞌsaꞌ, inapita huëꞌpi. —¿Onporahuatontaꞌ chiníquën nanantaton, nipaꞌantopisopita aꞌparan? ¿Intaꞌ nanan quëtërinquën ina pochin nicacasoꞌ? Shaꞌhuitocoi, itopi.

Lucas 12:14

—Co coisë pochin nicaꞌhuasoꞌ yaꞌhuërinhuëꞌ, itërin Quisosori.

Hechos 4:7

Pitro, Coansha, inapita maconahuatonaꞌ, ahuancanapipi natanacaiso marëꞌ. —¿Onporahuatomataꞌ chiníquën nanantatomaꞌ, apia anoyatëramaꞌ? ¿Intaꞌ nanan quëtërinquëmaꞌ anoyatacamasoꞌ? itopi.

Hechos 5:33

Cotio huaꞌanoꞌsari natanahuatonaꞌ, chiníquën noꞌhuiantarahuatonaꞌ, yatëpapirinahuëꞌ.

Hechos 7:35

Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ.

Hechos 7:39

Shimashonënpoaso nipirinhuëꞌ co nohuantopihuëꞌ Moisësë natëcaisoꞌ. Yaaꞌpopi. Iquipito parti naꞌhuanatonaꞌ, inatohuaꞌ yapaꞌmantapi.

Hechos 7:54

Natanahuatonaꞌ, chiníquën noꞌhuitonaꞌ, yatëpapi.