Hechos 7:26 - Chayahuita (Shahui)

²⁶ Tahuëririnquë catoꞌ israiroꞌsa capini niahuërapi, Moisësëri quënanconin. “¿Onpoatomataꞌ canpita capini niahuëaramaꞌ? Nanan anoyatocoꞌ,” itërin.

Hechos 7:26 ပူးပေါင်းရင်းမြစ်များ

Génesis 13:8

Napoaton aꞌna tahuëri Aprani Noto itapon: “Canposoꞌ, quëmopinpo ninëꞌ. Co canpo capini ninoꞌhuicaso yaꞌhuërinhuëꞌ. Co piyapinënpopitantaꞌ, ninoꞌhuicaiso yaꞌhuërinhuëꞌ.

Génesis 45:24

Pacacaiso marëꞌ nontohuachinara, Cosiso iinpita itapon: —Osharan pacoꞌ. Amana iraquë ninoꞌhuíracosohuëꞌ, itërin. Napotohuachina paꞌpi huachi.

Mateo 14:22

Ina quëran caꞌtanoꞌsanënpita shaꞌhuitërin. “Potiquë yaꞌconahuatomaꞌ, aquëtëran pacoꞌ. Nani piyapiꞌsaꞌ nontohuato, cantaꞌ paꞌsarahuë,” itohuachina, paꞌpi huachi. Ina quëran piyapiꞌsaꞌ nontërin.

Hechos 7:25

“Israiroꞌsasoꞌ iyahuëpita. Yosë catahuaarinco inapita nichaꞌëcaꞌhuasoꞌ,” tënin Moisësë yonquinënquë. Inapitaso nipirinhuëꞌ inari nichaꞌëcasoꞌ co yonquipihuëꞌ.

Filipenses 2:1

Quisocristo achinicancaninquëmaꞌ. Naꞌcon nosororinquëmaꞌ niꞌton, noya cancantaramaꞌ. Ispirito Santo yaꞌcoancantohuachinquëmaꞌ, catahuarinquëmaꞌ. Catahuahuachinquëmaꞌ, noya ninosoroaramaꞌ.

Filipenses 2:3

Aꞌnaquën chiníquën nanan nohuantopi. Inasáchin yonquiatonaꞌ, aꞌnapita nocanpi. “Casoꞌ noya noyaco,” topi yonquinëna quëran. Canpitaso nipirinhuëꞌ ama ina pochin cancantocosohuëꞌ. Aꞌnapita noya noya niꞌcoꞌ.