Hechos 7:10 - Chayahuita (Shahui)

¹⁰ Parisitopirinhuëꞌ, nichaꞌërin. Ina nohuanton, Iquipito copirnori noya niꞌnin. “Cosi noya quëmapi. Noya yonquirin,” taꞌton, chiníquën nanan quëtërin. Yaꞌipi copirno maꞌshanënpita aꞌpairin. Yaꞌipi Iquipito piyapiꞌsaꞌ camairin.

Hechos 7:10 ပူးပေါင်းရင်းမြစ်များ

Génesis 39:21

Tashinan pëiquë poꞌmopirinahuëꞌ, Siniororisoꞌ co Cosi naniantërinhuëꞌ. Nosoroaton catahuaantarin niꞌton, tashinan pëi huaꞌani, noya nicaton paꞌyatërin: “Cosisoꞌ, nóya huiꞌnapi,” taꞌton, noya niꞌnin.

Génesis 42:6

Nani shaꞌhuitëranquëmaso chachin Cosisoꞌ, huaraon yaꞌhuërënamën yaꞌipi Iquipitoquë camaitarin. Naporahuaton ina camaitohuachina, yaꞌipi parti quëran huëꞌpisopita, trico paꞌantapi. Iinpitanta camahuachinara, nontacaiso marëꞌ isonpi quëran noꞌpaquë huarëꞌ monshorahuatonaꞌ, moshaipi.

Génesis 44:18

Cosi napohuachina, Cotari amasha yaꞌcarirahuaton, itapon: —Piꞌpiyan sinioro nonchinquën topirahuë. Yonquirahuëso noꞌtëquën shaꞌhuichinquën. Quëmasoꞌ huaraon pochachin chiníquën nanantëran. Napoaton ama noꞌhuitonco anaꞌintaancoso marëhuëꞌ napotaranquën.

1 Reyes 8:50

Co noyahuëꞌ nicatona oshahuanpisoꞌ, inquitëquëꞌ. Co natantochináchinhuëꞌ cancantopisonta inquitahuaton, catahuaquëꞌ. Quëpapisopitari nosorocaiso marëꞌ catahuaquëꞌ.

Salmos 22:24

Popriyaroꞌsa parisitohuachinara, Siniorosoꞌ co topinan niꞌsárinhuëꞌ. Co naꞌpitatë pochin nicaton, tananpitaponhuëꞌ. Co napion ancatatona nontohuachinara, natanahuaton catahuararin.

Salmos 37:40

Siniorori catahuararin taꞌacasoꞌ. Inpioroꞌsari maꞌsha yaonpotërin quëran taꞌacasoꞌ catahuapon. Paꞌpoyacaso marëꞌ ina nontopi niꞌton, nichaꞌësarin.

2 Timoteo 4:18

Paꞌpi co noyahuëꞌ yonquirapihuachinacontaꞌ, onpopiontaꞌ nichaꞌësarinco. Quisocristo anoyacancantërinco niꞌton, aꞌna tahuëri huaꞌanëntërinquë quëpantarinco. ¡Ma noyacha Quisocristoso paya! Ipora quëra huarëꞌ inasáchin chinotahuaꞌ. Amen.

Santiago 5:11

Noya ahuantopi niꞌton, Yosëri nóya niꞌnin, tënëhuaꞌ. Copontaꞌ paꞌpi parisitërin, nitotëramaꞌ. Naꞌcon parisitaponahuëꞌ, chiníquën cancantaton, ahuantërin. Maꞌsha onpoaponahuëꞌ, Yosëri catahuarin noya noya pipicasoꞌ. Ina nohuanton, napoin quëran noya noya yonquirin. Yosë nosoroatonpoaꞌ naꞌcon catahuarinpoaꞌ, tënahuë. Napoaton chiníquën cancantatomaꞌ, ahuantocoꞌ.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.