Hechos 6:8 - Chayahuita (Shahui)

⁸ “Istipansoꞌ nóya pënëntërin,” topi yaꞌipiya. Ispirito Santori catahuarin niꞌton, sacaiꞌ nininsoꞌ nanitaparin. Caniaꞌpi marëꞌ Yosë nontohuachina, aꞌnaroáchin noyatopi. Napoaton: “Tëhuënchachin Yosëri catahuarin,” topi.

Hechos 6:8 ပူးပေါင်းရင်းမြစ်များ

Juan 4:48

—Canpitasoꞌ co aꞌnaroáchin natëramacohuëꞌ. Coꞌsoꞌ Yosë pochin nipatohuëꞌ, co natëaramacohuëꞌ, itërin inarintaꞌ.

Hechos 6:10

Istipanso nipirinhuëꞌ, Ispirito Santori catahuarin niꞌton, noꞌtë noꞌtëquën nonin. Co nanitopihuëꞌ aꞌpanicaisoꞌ.

Hechos 6:15

Ina quëran huaꞌanoꞌsari Istipan niꞌsapi. Niꞌsapirinahuëꞌ, yaꞌpirin anquëni pochin huënaráchin niꞌtërin.

Hechos 6:3

Napoaton iyaroꞌsaꞌ, canchisë yaꞌpi huayoncoꞌ catahuaꞌinacoiso marëꞌ. Ispirito Santori noyá yaꞌcoancantërinsoꞌ huayoncoꞌ, noya yonquipisoꞌ. Noya quëmapisáchin acoaꞌahuaꞌ cosharoꞌ yocacaiso marëꞌ.

Hechos 6:5

Natanahuatonaꞌ: —Noyapaꞌ. Paꞌahua acoaꞌahuaꞌ, topi yaꞌipiya. Ina quëran Istipan huayonpi. Inasoꞌ Yosë nóya natërin. Ispirito Santori noyá yaꞌcoancantërin. Pinipi, Porocoro, Nicanoro, Timon, Parminasë, Niconasë, inapitantaꞌ huayonpi. Niconasësoꞌ Antioquiaquë huaꞌhuatërin. Co cotio quëmapihuëꞌ niponahuëꞌ, cotioroꞌsa pochin Yosë chinotërin. Iporasoꞌ Quisoso imasarin antaꞌ. Inanapo huayonpi.

Hechos 7:55

Istipanso nipirinhuëꞌ Ispirito Santori noyá yaꞌcoancantërin niꞌton, inápaquë nëꞌpëtërin. Yosë yaꞌhuërinso chachin niꞌnin. Huënaráchin huënaráchin yaꞌnorin. Quisoso Yosë inchinanën quëran huaniárin, niꞌnin.

Hechos 8:6

Naꞌa piyapiꞌsaꞌ niyontonahuatonaꞌ, natanapi. Nóya natanpi. Aꞌchintohuachina, caniaꞌpiroꞌsantaꞌ quëpi. Yosë nohuanton, Pinipiri anoyatërin. Niꞌsahuatonaꞌ, aquë aquëtëꞌ yaimapi. “Yosëri catahuarin niꞌton, aꞌnaroáchin anoyatërin,” topi.

Efesios 4:11

Naporahuaton, nisha nisha acorinpoaꞌ nicatahuacaso marëꞌ. Aꞌnaquën Quisocristori chachin aꞌparin aꞌchinacaso marëꞌ. Aꞌnaquëontaꞌ Ispirito Santo nohuanton, Yosë yonquirinso chachin shaꞌhuirin. Aꞌnaquëontaꞌ nisha nisha parti paaton, Yosë nanamën aꞌchinaꞌpiarin. Aꞌnaquëontaꞌ ina nohuanton, yaꞌhuëpiquë yaꞌhuëhuanoꞌsaꞌ nani tahuëri catahuapi noya imacaiso marëꞌ. Aꞌnaquëontaꞌ yaꞌipi Yosë nanamën aꞌchintapi.

1 Timoteo 3:13

Tiaconoꞌsaꞌ noya nipachinaꞌ, imapisopitari noya niꞌsapi. Noya Yosë marëꞌ sacatohuachinaꞌ, chini chiníquën cancantapi. Quisocristo noya natëtonaꞌ, nanamën aꞌchinapi.