Hechos 5:9 - Chayahuita (Shahui)

⁹ —¿Onpoatontaꞌ imoya canpita capini ninontatomaꞌ, Ispirito Santo yanonpintopiramahuëꞌ? “Co ina anaꞌintarinpohuëꞌ,” taꞌtomaꞌ, napopiramahuëꞌ. Niꞌquëꞌ. Quëmapiꞌsaꞌ soꞌyan paꞌpitopisopita nani huënantarapi. Quëmaꞌ yaꞌhuërë quëpantarinënquën paꞌpitinënquënso marëꞌ, itërin Pitrori.

Hechos 5:9 ပူးပေါင်းရင်းမြစ်များ

Génesis 20:13

Yosë chachin, tatahuë yaꞌhuërin quëran pipicasoꞌ camaihuachincora, saꞌahuë shaꞌhuitërahuë: “Insëquë tëranta paꞌnëhuaquë: ‘Inaso yoꞌyo masho,’ tëquë taꞌa, itërahuë,” tënin Apraan.

2 Reyes 6:32

Irisiosoꞌ, pëinënquë yaꞌhuëarin. Israiro ansianoꞌsarë chachin huënsëatonaꞌ, ninontapi. Napoasoi copirnori tëpacaso marëꞌ aꞌpairinso quëmapi, nani yaꞌcaritëriarin. Coꞌhuara canquiyátërasohuëꞌ, inaso ansianoꞌsa itapon: —Copirnosoꞌ tëpatonaꞌpi huiꞌnin nichinapon chachin nani aꞌpairin comision nishitëconotiincoso marëꞌ. Napoaton ina canquihuachin, yaꞌcoana oncotahuatoma patëëtocoꞌ. Ina piquëran copirno chachinta canquiarin, itërin.

Éxodo 17:2

Napoaton Moisësë noncarotaantapi: —¡Iꞌsha quëtocoi oꞌoi! itopi. —¿Maꞌmarëta caso noncarotaramaco? Inapohuatamara, canpitaso Yosë chachin tëniantaramaꞌ, itërin.

Éxodo 17:7

Moisësëri ina roꞌtë apoyatërin: “Miripa” itërin. Miripasoꞌ, noꞌhuitatona noncaropiquë tapon naporin. Inaquë israiroꞌsaꞌ, Moisësë noncarotopi niꞌton, ina pochin nohuitërin. Naporahuaton Masa itopi antaꞌ, Masasoꞌ, “co natëtopiquëhuëꞌ”, tapon naporin. “Co ipora Yosë aꞌpairinpoahuëꞌ,” topi niꞌton, ina pochin nohuitërin.

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.

Mateo 4:7

—Inca co nohuantërahuëꞌ. Yosë quiricanënquë pënëninpoaꞌ. “Ama Yosë tëniquësohuëꞌ. Ama camaiquësohuëꞌ. Ina nohuantërinsoáchin yonquicasoꞌ yaꞌhuërin,” tënin quiricanënquë, itërin Quisosori.

Lucas 16:2

Maꞌhuansoꞌ natantahuaton, amatërin. ‘Quëmasoꞌ nonpintaranco natantërahuë. Coriqui quëtëranquënsoꞌ quëmaora marëꞌ manan niꞌquëhuarëꞌ, ocoiaranquën. Yaꞌipi nihuirinacosoꞌ ninshitoco nitochi,’ itërin.

Hechos 15:10

Iráca Moisësë nisha nisha pënëntopirinhuëꞌ, shimashonënpoaꞌ co nanitopihuëꞌ yaꞌipiya noꞌtëquën natëcaisoꞌ. Canpoantaꞌ co nanitaparëhuahuëꞌ. ¿Maꞌmarëtaꞌ nipachin nisha piyapiꞌsaꞌ imapachinaꞌ, iráca pënëntopisoꞌ aꞌchinacasoꞌ nohuantëramaꞌ? tënahuë. Yosëri noya niꞌpachina, co canpoari nisha shaꞌhuicasoꞌ yaꞌhuërinhuëꞌ. Quisoso imapisopita tananpitahuaꞌ, Yosë anaꞌintohuachinpoaꞌ.

Hechos 5:6

Ina quëran huiꞌnapiꞌsari nonënsoꞌ soꞌpinahuatonaꞌ, quëpapi paꞌpitacaiso marëꞌ.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

1 Corintios 10:9

Naporahuatonaꞌ Sinioronta tënipi: “Co nimara anaꞌintarinpoahuëꞌ,” taꞌtonaꞌ, co noyahuëꞌ nipi. Ina marëꞌ yaꞌhuanatonaꞌ, naꞌa chiminpi.