Hechos 5:39 - Chayahuita (Shahui)

³⁹ Nipirinhuëꞌ, Yosëri catahuahuachin, co canpitari acopitaramahuëꞌ. Niꞌcona Yosë chachin inimicototamaꞌ, itërin. Itohuachina, huaꞌanoꞌsari natëtonaꞌ, co tëpapihuëꞌ.

Hechos 5:39 ပူးပေါင်းရင်းမြစ်များ

Génesis 24:50

Napotohuachina, Napano, Pitoiro, inapitari itopi: —Yaꞌipi naporansopita Sinioro nohuanton naporin tënai. Napoaton, soꞌyachin nipachin.

2 Samuel 5:2

Saonoꞌton copirnonënpoa yaꞌconin. Napoaponahuëꞌ, naporo quëran huarëꞌ quëmari Israiro sontaroꞌsa camairan. Ahuëtacaiso marëꞌ quëpahuatana, quëmari chachin quëantaran. Naporahuaton Sinioro chachintaꞌ, nani shaꞌhuitërinquën copirnonëhuëi nicamaso marëꞌ. Ohuicaroꞌsa huaꞌanëni aꞌpairinso pochin nitancoiso marëꞌ nani acorinquën,” itopi.

1 Reyes 12:24

“Naporin Sinioro: ‘Carima camaiaranquëma ama iyamapitarëꞌquëma niahuëcamaso marëhuëꞌ. Ca nohuanton piyapinëhuëpita cato nacion yaꞌhuëapon. Napoaton yaꞌhuëramaquë panantacoꞌ,’ tënin Sinioro,” itëquëꞌ, itërin. Cantonahuaton, inaso Siniorori camairinso shaꞌhuitërin. Ina natanatonaꞌ, inahuaso camaitërinso chachin nipi. Co huachi ahuëtacaiso marëꞌ paꞌpihuëꞌ.

2 Reyes 19:22

¿Ca nipirahuëꞌ pinoranco ti? ¿Ca nipirahuëꞌ iquianantëranco ti? “¡Co insonta minsëarincohuëꞌ!” taꞌton nocananco. Caso Yosëco. Israiroꞌsa chinotërinaco. Noyasáchin nipirahuëꞌ, napotëranco.

Isaías 43:13

Coꞌhuara tahuëri yaꞌhuëyátëraponhuëꞌ, caso Yosëco yaꞌhuërahuë. Insosona anaꞌintaꞌhuasoꞌ yonquihuato, co insoari tëranta nichaꞌësarinhuëꞌ. Maꞌsona nisahuato co insonta yaꞌcopiarincohuëꞌ,” tënin.

Isaías 45:9

Ina quëran Sinioro taantarin: “Minëꞌ, yonsha, inapitasoꞌ, co onporonta huaꞌanën nocanaton: ‘¿Maꞌcha quëmanta nisaran nicaya?’ co itërinhuëꞌ. Naporahuaton: ‘Quëmasoꞌ co nito sacatëranhuëꞌ,’ co itërinhuëꞌ.

Isaías 46:10

Tahuëri caniaritërin quëran huarëꞌ taꞌhuantacaisoꞌ shaꞌhuitërahuë. Aꞌna tahuëri maꞌsona onpocaisoꞌ iráca quëran huarëꞌ shaꞌhuitërahuëꞌ. Maꞌpitasona nicaꞌhuasoꞌ yonquihuatora, ina inachachin nisarin. Maꞌsona nicaꞌhuasoꞌ yonquirahuësopita, nisarahuë.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Hechos 11:17

Sinioro Quisocristo imapatëhuaꞌ, Yosë nohuanton, Ispirito Santo yaꞌcoancantërinpoaꞌ. Inapitasoꞌ nisha piyapiꞌsaꞌ niponaraihuëꞌ, imapachinara, inapochachin Ispirito Santori yaꞌcoancantërin. Yosëri noya niꞌpachina, inapochachin cantaꞌ noya niꞌi, tënahuë. ¡Co casoꞌ nanitërahuëꞌ nisha yonquiaꞌhuasoꞌ! itërin Pitrori.

Hechos 23:9

Napoaton ninontatonaꞌ, noncaroapi. Parisio maistroꞌsaꞌ huanirahuatonaꞌ, chiníquën nonpi. —Iso quëmapisoꞌ noya, tënai. Co mantaꞌ onporinhuëꞌ. Anquëni noninsoꞌ natamara. Huaꞌyani aꞌna nontomara, tënin aꞌnaquën. Napohuachinara, satosioroꞌsaꞌ noꞌhuitopi.

Hechos 6:10

Istipanso nipirinhuëꞌ, Ispirito Santori catahuarin niꞌton, noꞌtë noꞌtëquën nonin. Co nanitopihuëꞌ aꞌpanicaisoꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.

1 Corintios 1:25

Aꞌnaquën Quisocristo nanamën tëhuapi. “Quiyasoꞌ naꞌcon naꞌcon nitotërai,” topirinahuëꞌ, Yosësoꞌ noya noya yonquiaton, noꞌtëquën anitotërinpoaꞌ. Aꞌnaquëontaꞌ “Co inasoꞌ chiníquën nanantërinhuëꞌ,” taꞌtonaꞌ, co natëtopirinahuëꞌ. Yosësoꞌ yaꞌipi nanitapaton, anoyacancantërinpoaꞌ.

1 Corintios 10:22

Sopairoꞌsaꞌ yonquihuatamaꞌ, Yosë aꞌpitatënquëmaꞌ, noꞌhuiarinquëmaꞌ. ¿Ina nohuantëramaꞌ ti? ¡Inasoꞌ chini chiníquën nanantërin! Canpoasoꞌ co ina pochin chiníquën nanantërëhuahuëꞌ.