Hechos 5:35 - Chayahuita (Shahui)

³⁵ Nani ocoihuachinara, pënënin. —Niꞌcona iyaroꞌsaꞌ tëhuëtamaꞌ. Co isopita tëpacasoꞌ yaꞌhuërinhuëꞌ, tënahuë.

Hechos 5:35 ပူးပေါင်းရင်းမြစ်များ

Jeremías 26:19

Miquiasëso napopirinhuëꞌ, yaꞌipi Cota huënton israiroꞌsaꞌ, Isiquiasë copirno, inapitariso co tëpapihuëꞌ. Copirno quëran huarëꞌ Sinioro tëꞌhuataton nosorocaiso marëꞌ nontërin. Napohuachina ataꞌhuantacaso shaꞌhuitaponahuëꞌ, co huachi inapotërinhuëꞌ. Irimiasë tëpahuatëhuasoꞌ, ¡naꞌcon naꞌcon naꞌinarihuaꞌ!” itopi.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Hechos 19:36

Yaꞌipiya nitotopi niꞌton, ama huachi noꞌhuitocosohuëꞌ. Ama topinan quëran ahuëtocosohuëꞌ.

Hechos 22:26

Ina natanahuaton, capitan huaꞌan shaꞌhuitapon paꞌnin. —¿Maꞌtaꞌ ipora onpoapon? Pasoꞌ quëmapi Noma piyapi nipirinhuëꞌ, yahuihuitëran. Niꞌquëna copirno noꞌhuihuachinquën, itërin.

Hechos 5:34

Aꞌna huaꞌan yaꞌhuërin. Inasoꞌ cotio maistro. Camariro itopi. Parisio quëmapi niponahuëꞌ: “Noya quëmapi inasoꞌ,” topi yaꞌipi piyapiꞌsaꞌ. Inasoꞌ huanirahuaton, itërin: —Isopita aipiran ocoicoꞌ piꞌpian nonchinquëmaꞌ. Apira huënantaꞌinaꞌ, itërin.

Hechos 5:36

Niꞌcochi. Iráca Tiotasë yaꞌhuërin. “Ca huaꞌan yaꞌcoanahuë,” topachina, catapini pasa pochin quëmapiꞌsari imapi. Imasapirinahuëꞌ, tëpahuachinara, yaꞌipi imapisopita yanquëëpi huachi.