Hechos 5:17 - Chayahuita (Shahui)

¹⁷ Napohuachina, corto huaꞌan chini chiníquën nanantërinsoꞌ noꞌhuitërin huachi. “Naꞌcon naꞌcon piyapiꞌsaꞌ Quisoso imasapi,” taꞌton, apiratërin. Satosioroꞌsantaꞌ noꞌhuitopi.

Hechos 5:17 ပူးပေါင်းရင်းမြစ်များ

Copo naporinso' 5:2

Co yonquinahuanhuëꞌ nipatëra, noꞌhuitomiatërëꞌ. Inapohuatëra chimirin yonitë pochin ninëꞌ.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Mateo 27:18

“Cotio huaꞌanoꞌsari co quëꞌyatonahuëꞌ, Quisoso mapi,” taꞌton, Piratori napotërin.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Juan 12:10

Ananpitaantarinso marëꞌ naꞌayaꞌpi co huachi cotio huaꞌanoꞌsaꞌ yanatëpihuëꞌ. Inapita aꞌporahuatonaꞌ, Quisoso imasapi. Napoaton huaꞌanoꞌsari yonquipi Nasarontaꞌ tëpacaiso marëꞌ.

Juan 12:19

Natanahuatonaꞌ, parisioroꞌsaꞌ ninontopi. —Topinan quëran pënënpirëhuahuëꞌ, co piyapiꞌsaꞌ piꞌpisha tërantaꞌ natërinënpoahuëꞌ. ¡Niꞌcochi! ¡Naꞌcon naꞌcon piyapiꞌsaꞌ Quisoso imasapi! nitopi ninontatonaꞌ.

Hechos 13:45

Cotioroꞌsaso nipirinhuëꞌ notohuaroꞌ piyapi niꞌsahuatonaꞌ, noꞌhuitonaꞌ, apiratopi. “Isopitasoꞌ nisha piyapiꞌsaꞌ niꞌton, co canpoa pochin iráca pënëntërinsoꞌ natëpihuëꞌ,” taꞌtonaꞌ, noꞌhuitopi. “Paono co noꞌtëquën aꞌchininhuëꞌ. Inasoꞌ nonpintëꞌ,” itopi.

Hechos 15:5

Ina natanahuatonaꞌ, aꞌnaquën parisioroꞌsaꞌ Quisoso imaponaraihuëꞌ, co noyahuëꞌ natanpi. Napoaton huanirahuatonaꞌ, taponaꞌ: —Nisha piyapiꞌsaꞌ yaimapachinaꞌ, marca acotacasoꞌ yaꞌhuërin. Yaꞌipi Moisësë iráca pënëntërinsoꞌ imacaisoꞌ yaꞌhuërin. Inapita aꞌchintocoꞌ imainaꞌ, itopi.

Hechos 17:5

Aꞌnaquën cotioroꞌsaso nipirinahuëꞌ, co yanatëpihuëꞌ. “Naꞌa piyapiꞌsaꞌ Quisoso imasapi,” taꞌtonaꞌ, apiratopi. Apiratatonaꞌ, noꞌhuipi. Cachiquë paꞌsahuatonaꞌ, noꞌhuitërayaroꞌsaꞌ, chirotëroꞌsaꞌ, inapita itaponaꞌ: “Huëcoꞌ Paono, Sirasërë chachin macatëhuaꞌ anaꞌintahuaꞌ,” taꞌtonaꞌ, piyapiꞌsaꞌ ayontonpi. Noꞌhuitëratonaꞌ, Casono pëinënquë paꞌpi. Inaquë Paono yacapatërin niꞌton, macacaiso marëꞌ paꞌpi. Yaꞌcoana papaatahuatonaꞌ, yaꞌconpirinahuëꞌ,

Hechos 4:26

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso chachin Cristoso nipirinhuëꞌ, co nohuantopihuëꞌ,’ tënin Tapi iráca ninshitaton.

Hechos 4:6

Nisha nisha corto huaꞌanoꞌsaꞌ huëꞌpi. Anasë chini chiníquën nanantërinsoꞌ, Caihuasë, Coansha, Aricantro, inapita huëꞌpi. Corto huaꞌanoꞌsaꞌ quëmopinënpitarë chachin niyontonpi.

Hechos 5:16

Yaꞌcariya ninanoroꞌsaꞌ quëraontaꞌ huëꞌpi. Quirosarinquë huëꞌsahuatonaꞌ, caniaꞌpiroꞌsaꞌ quëpi. Sopairi ahuaꞌyantërinsopitantaꞌ quësapi. Yosë nohuanton, yaꞌipiya anoyatopi.

Hechos 7:9

Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.

1 Pedro 2:1

Yaꞌipi co noyahuëꞌ yonquiramasopita naniantocoꞌ. Ama iyaroꞌsaꞌ ninonpintocosohuëꞌ. Aꞌnaquën noyasha nonaponaraihuëꞌ, poꞌoana quëran co noyahuëꞌ nipi. Ama ina pochin nicosohuëꞌ. Yaꞌipi cancanëma quëran noꞌtëquën ninontocoꞌ. Aꞌnapita noya yaꞌhuëhuachinaꞌ, ama noyapatocosohuëꞌ. Ama pinotocosohuëꞌ.