Hechos 4:5 - Chayahuita (Shahui)

⁵ Tahuëririnquë yaꞌipi cotio huaꞌanoꞌsaꞌ niyontonpi. Corto huaꞌanoꞌsaꞌ, ansianoꞌsaꞌ, maistroꞌsaꞌ, inapita huëꞌpi. Quirosarinquë chachin niyontonpi.

Hechos 4:5 ပူးပေါင်းရင်းမြစ်များ

Isaías 1:10

Quirosarin huaꞌanoꞌsanquëmaꞌ. Canpitasoꞌ sotomaroꞌsa huaꞌanëna pochin niconamaꞌ. Comoraroꞌsa pochin nipiramahuëꞌ, Sinioro pënëntërinsoꞌ noya natanco: “Ama huachi maꞌsharoꞌsa ca marëꞌ quëcosohuëꞌ. Naꞌa carniroroꞌsa oshanëma marëꞌ yaꞌipi ahuiquitaramaꞌ. Toroaꞌhuaroꞌsanta tomaquën ahuiquitaramaꞌ. Tororoꞌsaꞌ, ohuicaroꞌsaꞌ, chiporoꞌsaꞌ, inapita huënainënantaꞌ, co huachi noya niꞌnahuëꞌ.

Miqueas 2:1

Aꞌnaquëmasoꞌ, huëꞌëramaquëpita co noyahuëꞌ nicacamaso yonquiramaꞌ. Chiníquën nanantërama niꞌton, tahuërihuachina ina inachachin ninamaꞌ. Noꞌpahuë nipon noyahuatamara, machinaramaꞌ. Pëihuë nipon noyahuatamara, ihuatëramaꞌ. Quëmopinënapitarë chachin piyapiꞌsa aparisitëramaꞌ. Shimashonënapitari noꞌpaꞌ ayananpipisoꞌ, shinpitari huaꞌanëntapirinahuëꞌ, inapita ihuaramaꞌ. Inaporamasopita, ¡maꞌhuántacha canpitaso nisarama paya!

Marcos 15:1

Tahuërianpitohuachinara, yaꞌipi cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita niyontonahuatonaꞌ, ninontopi. Ina quëran Quisoso tonporahuatonaꞌ, Pirato yaꞌhuërinquë quëpapi.

Lucas 20:1

Ina quëran Yosë chinotopiso pëiquë paantarahuaton, piyapiꞌsaꞌ aꞌchintantarin. Noya nanan pënëntaquëyaꞌ, cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita huëꞌpi.

Lucas 22:66

Tahuërihuachina, cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita niyontonpi. Nani niyontonpachinaꞌ, inaquë Quisoso quëpapi natanacaiso marëꞌ.

Lucas 23:13

Ina quëran Piratori piyapiꞌsaꞌ amatërin. Corto huaꞌanoꞌsaꞌ, cotio huaꞌanoꞌsaꞌ, inapitantaꞌ ayontonahuaton, itërin:

Lucas 24:20

Corto huaꞌanoꞌsaꞌ, ansianoꞌsaꞌ, inapitari mapi. Masahuatonaꞌ, Piratoquë quëpapi tëpacaiso marëꞌ. Shaꞌhuirapihuachinara, corosëquë apatanantërin. Nani chiminin.

Hechos 4:8

Ispirito Santori noyá yaꞌcoancantërin niꞌton, Pitrori itapon: —Natanco huaꞌanoꞌsanquëmaꞌ ninamasoꞌ.

Hechos 5:34

Aꞌna huaꞌan yaꞌhuërin. Inasoꞌ cotio maistro. Camariro itopi. Parisio quëmapi niponahuëꞌ: “Noya quëmapi inasoꞌ,” topi yaꞌipi piyapiꞌsaꞌ. Inasoꞌ huanirahuaton, itërin: —Isopita aipiran ocoicoꞌ piꞌpian nonchinquëmaꞌ. Apira huënantaꞌinaꞌ, itërin.

Hechos 6:12

Ina pochin nonatonaꞌ, naꞌa piyapiꞌsaꞌ anoꞌhuitopi. Cotio ansianoꞌsaꞌ, cotio maistroꞌsaꞌ, inapitantaꞌ anoꞌhuitopi. Co huachi Istipan noya niꞌpihuëꞌ. Napoaton maconpi. Maconahuatonaꞌ, quëpapi cotio huaꞌanoꞌsari natanacaiso marëꞌ.