Hechos 4:4 - Chayahuita (Shahui)

⁴ Naꞌa piyapiꞌsaso nipirinhuëꞌ nanamën natanahuatonaꞌ, natëpi. Nani aꞌnatërápo huaranca pochin quëmapiꞌsaꞌ Quisoso imasapi.

Hechos 4:4 ပူးပေါင်းရင်းမြစ်များ

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Juan 12:24

Noꞌtëquën shaꞌhuitëranquëmaꞌ. Tricoraya pochin ninin. Co shaꞌpatërahuëꞌ, co naꞌarinhuëꞌ. Aꞌnaíchin nisárin. Napoaponahuëꞌ, shaꞌpatëra, chiminin pochin niponahuëꞌ, papotohuachina, naꞌa nitërin.

Hechos 2:41

Napotohuachina, naꞌa natëtopi. Naporahuatonaꞌ, iꞌquë aporihuanpi. Naporoꞌ tahuëri cara huaranca pochin piyapiꞌsaꞌ yaꞌconpi. Quisoso imasapi.

Hechos 2:47

“Ma noyacha Yosëso paya,” tosapi. Yaꞌipi piyapiꞌsari noya niꞌpi. Nani tahuëriya aꞌnapitantaꞌ imasapi niꞌton, Yosëri anoyacancantërin. Ina nohuanton, inapitantaꞌ yaꞌconpi.

Hechos 28:24

Natanahuatonaꞌ, aꞌnaquën natëpi. Aꞌnaquënso nipirinhuëꞌ co natëpihuëꞌ.