Hechos 4:23 - Chayahuita (Shahui)

²³ Nani Pitro, Coansha, inapita aꞌpahuachinara, imapisopitataquë paantarahuatonaꞌ, shaꞌhuiconpi. “Corto huaꞌanoꞌsaꞌ, ansianoꞌsaꞌ, inapita chiníquën pënëninacoi ama aꞌchinaꞌhuaiso marëhuëꞌ,” itopi.

Hechos 4:23 ပူးပေါင်းရင်းမြစ်များ

Salmos 16:3

Aꞌnaquën yaꞌhuëhuanoꞌsasoꞌ, mamanshiráchin moshapi. “Inapitasoꞌ chiníquën nanantopi,” taꞌtonaꞌ, imapi.

Salmos 42:4

Ina yonquihuatora, paꞌpi sëtërahuë. Iráca naꞌa niyontonahuatoi, Yosë chinotërai. Pëinënquë yapaꞌpatoira, cari piyapiꞌsa quëparahuë. Capa cancantatoi nonca nonca tërarai. “Yosparinquën Sinioro,” tëcatoi, panca pita ninai. Iporaso napoaponahuëꞌ, parisitárahuë.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Malaquías 3:16

Sinioro noya nicatona natëpisopitasoꞌ, Sinioro naporinso natanpi. Ina natanatonaꞌ, niachinicancanacaiso marëꞌ noya ninontopi. Napopiso Sinioronta noya natanaton, nininëna aꞌna quiricaquë aninshitërin: “Isopitasoꞌ, paꞌyatërinaco. Naporahuatonaꞌ, noya nicatonaco natërinaco. Ina marëꞌ, co onporontaꞌ naniantacaso yaꞌhuërinhuëꞌ,” tënin aninshitaton.

Hechos 16:40

Napotohuachinara, tashinan pëi quëran pipipi. Pipirahuatonaꞌ, Niria pëinënquë paantapi. Quisoso imapisopita niyontonpachinara, piꞌpian pënëantapi: “Chiníquën cancantatomaꞌ, imamiatocoꞌ,” itopi. Ina quëran paꞌpi huachi.

Hechos 4:24

Napotohuachinara, napopianachin yonquiatonaꞌ, Yosë nontopi: “Quëmasáchin Sinioro chini chiníquën nanantëran. Isoroꞌpaꞌ, inápaquë yaꞌhuërinsopita, iiroꞌsaꞌ, yaꞌipi maꞌsharoꞌsaꞌ, inapita acoran.