Hechos 4:19 - Chayahuita (Shahui)

^19-20 Napotopirinahuëꞌ, Pitro Coansharë chachin co yanatëtopihuëꞌ. —Yosë natëtoi, co nanitëraihuëꞌ canpita natëcaꞌhuainquëmasoꞌ. Co quiyasoꞌ nanitëraihuëꞌ taꞌtahuaisoꞌ. Niꞌnaisoꞌ shaꞌhuirápoi. Natanaisontaꞌ shaꞌhuirápoi. “Co Yosë natëcasoꞌ yaꞌhuërinhuëꞌ,” ¿tënamaꞌ ti? itopi.

Hechos 4:19 ပူးပေါင်းရင်းမြစ်များ

1 Reyes 21:11

Napohuachina yaꞌhuëhuanoꞌsaꞌ, ansianoꞌsaꞌ, huaꞌanoꞌsaꞌ, inapitaso ina inachachin nipi. Inapoatonaꞌ, aꞌnara comision Quisapira shaꞌhuitacaso marëꞌ aꞌpapi. Cantonahuaton: “Napoto nani naꞌpiquë tëꞌyaratona tëpapi,” itërin.

1 Reyes 22:14

—Sinioro camairincosoráchin Yoscoarëꞌ caso shaꞌhuiarahuë, itërin Micaiasëri.

Éxodo 1:17

Napotopirinhuëꞌ, inapitaso Yosë naꞌcon naꞌcon tëꞌhuatatonaꞌ, co quëmapiaꞌhuaroꞌsa tëpapihuëꞌ.

Jeremías 26:12

Caso napoaporahuëꞌ, huaꞌanoꞌsaꞌ, yaꞌhuëhuanoꞌsa inapita nontato: “Sinioro nanan quëtërinco niꞌton, iso ninanoꞌ, Yosë chinotacaso pëiꞌ, inapita maꞌsona onpocasoꞌ shaꞌhuitëranquëmaꞌ.

Daniel 6:10

Camaitopiso Naniri nitotaponahuëꞌ, co natëtërinhuëꞌ. Pëinënquë paꞌsahuaton, huëꞌërinso patoanaquë yaꞌconin. Huintananënpita Quirosarin parti notëtopisoꞌ iꞌsohuatahuaton, isonin. Isonahuaton Yosë nontërin, chinotërin, naporin. Inachintërin nichinapon chachin nani tahuëri cararo naporin.

Oseas 5:11

Iprain huënton israiroꞌsasoꞌ, inimiconënpitari aparisitápi. Inapotápi niꞌton, co huachi chiníquën cancantopihuëꞌ. Mamanshiráchin cancantopisoꞌ, co aꞌpopihuëꞌ niꞌton, inapotápi.

Amós 7:16

Napoaton quëmantaꞌ, Sinioro napotërinquënso natanquëꞌ: Quëmasoꞌ pënënatonco: “Quiyasoꞌ, Isaco quëran pipiraisopita israiroꞌsacoi. Inacoi niꞌtoi, Yosë maꞌsha onpotiincoiso yonquirinsoꞌ yashaꞌhuitopirancoihuëꞌ, ama ina shaꞌhuitocoisohuëꞌ,” itëranco.

Mateo 22:21

—Noma copirno chachin, itopi. —Copirno coriquinën niꞌquëhuarëꞌ, quëtantacoꞌ. Naporahuaton, Yosë nininpoaꞌ niꞌton, huaꞌanëntërinpoaꞌ. Yaꞌipi cancanëma quëran ina natëcasoꞌ yaꞌhuërin, itërin.

Lucas 22:8

Quisosontaꞌ yonquirin ina pochin capacasoꞌ niꞌton, Pitro, Coansha, inapita shaꞌhuitërin: —Paatomaꞌ, Pascoa cosharoꞌ tapacoꞌ capaquëhuaquë, itërin.

Juan 7:24

Ama quënanamasoráchin yonquiatomaꞌ, shaꞌhuirapicosohuëꞌ. Yonquinënpoa quëran huarëꞌ Yosë niꞌsarinpoaꞌ. Ina nitotatomaꞌ, noꞌtëquën yonquicoꞌ, itërin Quisosori.

Hechos 4:13

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

Hechos 5:28

—Nani pënënatënquëmaꞌ: “Ama huachi Quisoso nanamën aꞌchincosohuëꞌ,” itopiranquëmahuëꞌ, aquë aquëtëꞌ aꞌchinaramaꞌ. Yaꞌipi Quirosarinquë yaꞌhuëpisopita natanapi. Inapoatomaꞌ, Quisoso chimininso marëꞌ naꞌintaramacoi, itërin.

Hechos 5:29

—Pënënpiramacoihuëꞌ, Yosë naꞌcon naꞌcon natëcasoꞌ yaꞌhuërin. Napoaton co nanitëraihuëꞌ natëcaꞌhuainquëmasoꞌ.

1 Corintios 10:15

Canpitasoꞌ nitoyonquiramaꞌ. Shaꞌhuitëranquëmasoꞌ yonquicoꞌ noꞌtëquën nitotacamaso marëꞌ.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

Efesios 6:1

Canpitantaꞌ apiaꞌhuaroꞌsaꞌ, pënënanquëmaꞌ. Tatamaꞌ natëcoꞌ. Mamamantaꞌ natëcoꞌ. Quisocristo imaramaꞌ niꞌton, inapita natëcamasoꞌ yaꞌhuërin.

1 Timoteo 2:3

Ina pochin Yosë nontacasoꞌ nóya. Inasoꞌ nichaꞌërinpoaꞌ. Nontohuatëhuaꞌ, noya nataninpoaꞌ.

Hebreos 11:23

Ina quëran Iquipito copirnori piyapinënpita camairin: “Israiro sanapiꞌsaꞌ huaihuachinaꞌ, quëmapiaꞌhuaya nipachin, tëpacoꞌ,” itërin. Napopirinhuëꞌ, Moisësësoꞌ nasitohuachina, aꞌshini co nohuantërinhuëꞌ huaꞌhuin chiminacasoꞌ. Yosë natëton, co copirno tërantaꞌ tëꞌhuatërinhuëꞌ. “Iso huaꞌhuahuësoꞌ noya,” itërin soꞌin nontaton. Cara yoqui noya poꞌopi.

Santiago 2:4

¿Coꞌta ina pochin nipatamaꞌ, co napopianachin nosororamahuëꞌ? Cancanënpoa quëran huarëꞌ Yosë niꞌsarinpoaꞌ nipirinhuëꞌ, co ina pochin yonquiramahuëꞌ. Co noyahuëꞌ yonquiramaꞌ.