Hechos 3:8 - Chayahuita (Shahui)

⁸ Ina quëran pashitiquintarahuaton, huanirin. Iratarin. Pitro, Coansha, inapita Yosë chinotopiso pëiquë yaꞌconpachinara, inapitarë chachin apiantaꞌ yaꞌconin. Noya irataton, niirárin. “Ma noyacha Yosëso paya,” tosárin.

Hechos 3:8 ပူးပေါင်းရင်းမြစ်များ

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Lucas 6:23

Iráca Yosë piyapinënpita pënëntohuachinara, shimashonëmapitari inapochachin noꞌhuipi. Napoaton aꞌnapita noꞌhuihuachinënquëmaꞌ, noya cancantocoꞌ. Parisitëramaso marëꞌ Yosëꞌpaꞌ naꞌcon canaaramaꞌ. Ina yonquiatomaꞌ, capa cancantocoꞌ.

Juan 5:14

Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

Hechos 14:10

Napoaton chiníquën itapon: —Noꞌtëquën huaniquëꞌ iyasha, itërin. Aꞌnaroáchin huanirahuaton, noya paꞌsarin.

Hechos 19:16

Ina tosahuaton, quëmapi huaꞌyantërinsoari pashitaꞌparin Inapotaton, canchisëyaꞌpi chachin manin. Chiníquën ahuëaton, pëꞌsharaꞌpiarin. Aꞌnayaꞌpiáchin niponahuëꞌ, canchisëyaꞌpi minsërin. Aꞌmopisontaꞌ oshato oshatotërin. Iꞌnanpirapi taꞌapi.

Hechos 3:7

Inchinan imira quëran masahuaton, ahuanirin. Aꞌnaroáchin caꞌyopirain nantërë chachin chinirin.