Hechos 3:21 - Chayahuita (Shahui)

²¹ Iráca quëran huarëꞌ Yosë nohuanton, noya pënëntonaꞌpiroꞌsaꞌ ninopi. ‘Aꞌna tahuëri Yosëri yaꞌipiya anoyatarin,’ topi. Anoyataquë huarëꞌ inápaquë Quisoso yaꞌhuantarin.

Hechos 3:21 ပူးပေါင်းရင်းမြစ်များ

Isaías 1:26

Ca nohuanton iráca pochachin coisëroꞌsaꞌ, yaꞌhuëtaantarinquëmaꞌ. Ayonquinaꞌpiroꞌsantaꞌ, yaꞌhuëantapon. Noya acoantahuatënquëmaꞌ: “Noyasáchin nipiquë ninanoꞌ,” itaantaponëmaꞌ. “Noꞌtëquënáchin natëtopiquë ninanoꞌ,” itaponëma antaꞌ.

Lucas 1:70

Iráca quëran huarëꞌ pënëntonaꞌpiroꞌsaꞌ ninopi. Yosë nohuanton, shaꞌhuitërinënpoaꞌ:

Hechos 1:11

—¿Maꞌmarëtaꞌ caririaroꞌsanquëmaꞌ inápaquë nëꞌpëtëramaꞌ? Quisoso nani pantarin. Yosëri inápaquë quëpantapirinhuëꞌ, ina chachin oꞌmantararin. Inápaquë paꞌninso pochachin aꞌna tahuëri oꞌmantararin, itërin.

Hechos 10:43

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

Hechos 3:20

Quisocristo imapatamaꞌ, anoyacancantarinquëmaꞌ niꞌton, sano cancantaramaꞌ. Aꞌna tahuërintaꞌ ina chachin aꞌpatimantarinquëmaꞌ. Canpita marëꞌ nani Yosëri acorin.

Romanos 8:21

Naporoꞌ co huachi maꞌsha chanatarinhuëꞌ. Yosë huiꞌninpitanpoa ninëhuasopita noya noya acohuachinpoaꞌ, maꞌsharoꞌsantaꞌ noya noya niantapi. Co huachi chiminaponahuëꞌ.

Hebreos 1:1

Iráca quëran huarëꞌ Yosësoꞌ nanamën anitotërinpoaꞌ. Shimashonënpoapita, pënëntonaꞌpiroꞌsa quëran naꞌaro anitotërin. Naporahuaton nisha nisha quëran anitotërin. Co aꞌnaromaráchin yaꞌipi anitotërinhuëꞌ.

2 Pedro 1:21

Iráca co inahuara nohuanton, ninshitopihuëꞌ. Yosëri acorin nanamën anitotinpoaso marëꞌ. Ispirito Santo nohuanton, Yosë yonquirinso chachin ninshitopi.

2 Pedro 3:2

Iráca noya pënëntonaꞌpiroꞌsaꞌ yaꞌhuëpi. Ninotonaꞌ, Yosë quiricanënquë ninshitopi, nani nontëramaꞌ. Naporahuaton, quiyantaꞌ Quisocristo pënënincoisoꞌ aꞌchintërainquëmaꞌ. Inasoꞌ nichaꞌësarinpoaꞌ. Caꞌtanoꞌsanënpitacoi chachin aꞌparincoi. Ama naniantacamaso marëhuëꞌ ninshitaranquëmaꞌ.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 22:6

Ina quëran anquëni shaꞌhuitërinco: “Iráca quëra huarëꞌ Yosë nohuanton, aꞌnaquën ninopi. Iporasoꞌ anquëninënco aꞌpaimarinco ninocaꞌhuaso marëꞌ. Aꞌnotëranquën niꞌton, ninshitëran Yosë piyapinënpita nitotacaiso marëꞌ. Noꞌtën nanan nani shaꞌhuitëranquën. Yaꞌipiya natëtacaisoꞌ yaꞌhuërin. Co huaꞌqui quëranhuëꞌ maꞌsha onpoarin,” itërinco.