Hechos 28:5 - Chayahuita (Shahui)

⁵ Paonoso nipirinhuëꞌ imirin paꞌtanahuaton, yaꞌhuan pënquë tëꞌyatërin. Co mantaꞌ onporinhuëꞌ.

Hechos 28:5 ပူးပေါင်းရင်းမြစ်များ

Salmos 91:13

Paꞌpiniroꞌsaꞌ, yaꞌhuanoꞌsaꞌ, panca maꞌsharoꞌsaꞌ, inapita huáncana noya paꞌsarëhuaꞌ.

Marcos 16:18

Yaꞌhuan mapatamaꞌ, co mantaꞌ onpotarinquëmahuëꞌ. Sonimaontaꞌ nipirinhuëꞌ oꞌopatamaꞌ, co chiminaramahuëꞌ. Caniaꞌpiroꞌsaꞌ topinan sëꞌhuahuatamaꞌ, noyataponaꞌ,” itërin Quisosori.

Lucas 10:19

Nani nanan quëtëranquëmaꞌ canpitantaꞌ sopai minsëcamaso marëꞌ. Ca yonquiatomaco, sopairoꞌsaꞌ nontohuatamaꞌ, patarinquëmaꞌ. Yaꞌhuan, yonpinca inapita iꞌnatohuatamaꞌ, co mantaꞌ onpotarinquëmahuëꞌ. Yaꞌhuan yaquëtërinposo pochin sopaintaꞌ yaacorinquëmaꞌ. Canpitariso nipirinhuëꞌ minsëaramaꞌ. Co mantaꞌ nanitarinhuëꞌ minsëinquëmasoꞌ.

Hechos 28:6

“Apira pomatarin. Aꞌnaroáchin anotahuaton, chiminapon,” tëcatonaꞌ huaꞌquiꞌ niꞌsapirinahuëꞌ, co mantaꞌ onporinhuëꞌ. Napoaton “Co ipora tëpatonaꞌpihuëꞌ. Yosë pochin niponahuëꞌ, piyapi taramara,” nitopi.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.