Hechos 28:15 - Chayahuita (Shahui)

¹⁵ Yaꞌcaritohuatëira, Quisoso imapisopita inaquë yaꞌhuëpisoꞌ natantahuatonaꞌ, huëꞌpi. “Apio niyontonpiso,” itopiquë aꞌnaquën nacapirai. Naporahuaton, Tres Tapinasëquë canconpatëira, aꞌnapitantaꞌ quënancoantarai. Imasapi antaꞌ niꞌton, nacapiaponacoi huëꞌpi. Inapita Paono quënanahuaton, Yosë nontërin: “Yosparinquën,” itërin. Naporahuaton, chiníquën cancantërin.

Hechos 28:15 ပူးပေါင်းရင်းမြစ်များ

Salmos 27:14

Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Éxodo 4:14

Naporinso marëꞌ Yosëri noꞌhuiton itapon: —¡Coꞌta inatohua iya masho Aaron itopiso yaꞌhuëarin! Inanta Nihui huënton quëmapi. Inaso míso nonin. Nani ayonquirahuë niꞌton, huëꞌsarin nacapiaponquën. Quënanpachinquën capa cancantarin.

Juan 12:13

mërëmë pochin nininsoꞌ mapi. Ina quëran nacapiaponaꞌ paꞌsapi. Paꞌyatatonaꞌ, chiníquën itaponaꞌ: —¡Nichaꞌëcoi Tata Yosë! ¡Ma noyacha Quisososo paya! ¡Quëmari chachin chiníquën nanan quëtëran! ¡Quëma nohuanton, israiroꞌsacoi huaꞌanëntarincoi! tosapi.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 10:23

Napotohuachina, “Yaꞌcointacoꞌ iyaroꞌsaꞌ,” itërin Pitrori. Napotohuachina, yaꞌcoontapi. Aꞌcahuachinara, huëꞌëpatopi. Tahuëririnquë paantahuachinara, Pitrontaꞌ paꞌnin. Aꞌnapitantaꞌ Quisoso imapisopita Pitro imapi.

Hechos 10:25

Pitro canconpachina, Corniriori isonapairahuaton, moshapirinhuëꞌ.

Hechos 11:1

Nisha piyapiꞌsantaꞌ Yosë nanamën natëpi niꞌton, Cotia parti aꞌnaroáchin nahuinin. Caꞌtanoꞌsantaꞌ natantopi. Yaꞌipi imapisopita inaquë yaꞌhuëpisoꞌ nitotopi.

Hechos 11:12

Ispirito Santo shaꞌhuitërinco: “Inapita imaquëꞌ. Ama nisha nisha yonquiatonhuëꞌ, noya paquëꞌ,” itërinco. Napoaton paꞌnahuë. Isopita iyaroꞌsaꞌ caꞌtaninaco, saotayaꞌpi chachin caꞌtaninaco. Pëinënquë canconahuatoi, yaꞌconai.

Hechos 12:17

Inaso nipirinhuëꞌ imirin quëran anquitërin ama noncarocaiso marëhuëꞌ. —Sinioro chachin anquëninën aꞌpatimarinco. Tashinan pëi quëran ocoirinco. Iya Santiaco shaꞌhuitoncoꞌ nitochin. Yaꞌipi imapisopitantaꞌ shaꞌhuitocoꞌ, itërin. Ina quëran aꞌna parti paꞌnin.

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Hechos 28:14

Inaquë imapisopita quënanconai. “Huëcoꞌ niꞌquicoi,” itohuachinacoira, inaquë aꞌna simana yacaparai. Naporahuatoi, Nomaquë yaꞌcaritërai huachi.

Romanos 15:24

Nani yonquirahuë Ispaniaꞌpaꞌ aꞌchinaꞌhuaso marëꞌ. Inatohuaꞌ paꞌpato, nirapënquëmaꞌ. Naporo huarëꞌ ninohuitarihuaꞌ. Huaꞌquimiáchin yacapatënquëmaꞌ, piꞌpian tërantaꞌ aꞌchintaranquëmaꞌ. Ina quëran yapaꞌpato, catahuaco noya paꞌi, topirahuëꞌ.

2 Corintios 2:14

Ma noyacha Tata Yosëso paya, tënëhuaꞌ. Quisocristo imarëhuaꞌ niꞌton, nani tahuëri ina catahuarinpoaꞌ inimiconënpoapita minsëcasoꞌ. Inapitasoꞌ co nohuantopihuëꞌ Quisocristo nanamën aꞌchinaꞌhuaisoꞌ. Co nohuantopirinahuëꞌ, nisha nisha parti paatoi, nanamën aꞌchinárai. Pimóton huaꞌsaiꞌ pimoanahuaninso pochin Quisocristo nanamën nahuinarin. Aꞌchintatoi, naꞌa piyapiꞌsaꞌ anitotërai.

Gálatas 4:14

Chiníquën caniopirahuëꞌ, co nocanamacohuëꞌ. Noya natanamaco. “Anquëni pochin Yosë nanamën aꞌchintërancoi,” itëramaco. Quisocristo noninso pochachin natanamaco.

1 Tesalonicenses 3:7

Inantaꞌ shaꞌhuitiirincoi. Ina natantatoi, nóya cancantërai. Ipora huantaꞌ maꞌsha onpotërinacoi. Parisitapiraihuëꞌ, noya imaramaꞌ niꞌton, noya cancantarai.

Hebreos 13:3

Ama tashinan pëiquë poꞌmopisopita naniantocosohuëꞌ. Catahuacoꞌ. Canpitantaꞌ tashinan pëiquë yaꞌhuëaramaso pochachin yonquicoꞌ. Aꞌnaquëontaꞌ imapiso marëꞌ chiníquën aparisitohuachinaꞌ, noya yonquicoꞌ. Canpitantaꞌ inapita ninatanpiso pochin cancantatomaꞌ, nosorocoꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.