Hechos 28:14 - Chayahuita (Shahui)

¹⁴ Inaquë imapisopita quënanconai. “Huëcoꞌ niꞌquicoi,” itohuachinacoira, inaquë aꞌna simana yacaparai. Naporahuatoi, Nomaquë yaꞌcaritërai huachi.

Hechos 28:14 ပူးပေါင်းရင်းမြစ်များ

Génesis 7:4

Canchisë tahuëri quëran ca nohuanto oꞌnanapon. Catapini shonca tahuëri, tashirë chachin oꞌnamiatapon. ¡Inapotato yaꞌipi isoroꞌpaquë acorahuësopita ataꞌhuantarahuë!” itërin.

Mateo 10:11

Nisha nisha ninanoquë aꞌchintocoꞌ. Ninanoquë canconpatamaꞌ, insosona noya natanpachinquëmaꞌ, ina pëinënquë yacapacoꞌ. Inaquë yacapatohuatamaꞌ, inaquësáchin yaꞌhuëcoꞌ.

Juan 21:23

Naporo quëran huarëꞌ imapisopita ninontopi. “Inasoꞌ co onporontaꞌ chiminarinhuëꞌ,” nitopi. Quisososo nipirinhuëꞌ co naporinhuëꞌ. “Nohuantohuato, oꞌmacaꞌhuaso tahuëri huarëꞌ nanpihuachin,” topachina, “co chiminaponhuëꞌ,” co tapon naporinhuëꞌ.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

Hechos 20:6

Pita tahuëri nanihuachina, Piriposë quëran pipirai. Naporoꞌ nisha pan caꞌsapi, co ahuëpocatopisohuëꞌ. Nanchaquë yaꞌconahuatoi, marë paꞌtërai. Aꞌnatërápo tahuëri quëran Troasëquë canconahuatoi, inapita quënanconai. Inaquë aꞌna simana yaꞌhuërai.

Hechos 21:4

Quisoso imapisopita quënanconahuatoi, inaquë aꞌna simana pochin yacapatonai. Ispirito Santo nohuanton, Paono pënënpi: “Ama Quirosarinquë paquësohuëꞌ, aparisitochinën,” itopirinahuëꞌ.

Hechos 28:13

Ina quëran yonsaiꞌ paꞌtahuatoi, Niquioquë canconai. Tahuëririnquë pinëhuëi parti quëran ihuan huëꞌsahuaton, quëparincoi. Catoꞌ tahuëri quëran Potioriquë canconpatëira, nonshirai.

Hechos 28:15

Yaꞌcaritohuatëira, Quisoso imapisopita inaquë yaꞌhuëpisoꞌ natantahuatonaꞌ, huëꞌpi. “Apio niyontonpiso,” itopiquë aꞌnaquën nacapirai. Naporahuaton, Tres Tapinasëquë canconpatëira, aꞌnapitantaꞌ quënancoantarai. Imasapi antaꞌ niꞌton, nacapiaponacoi huëꞌpi. Inapita Paono quënanahuaton, Yosë nontërin: “Yosparinquën,” itërin. Naporahuaton, chiníquën cancantërin.

Hechos 28:21

—Coꞌchi iyasha mantaꞌ nitotëraihuëꞌ quiyaso paya. Cotia parti yaꞌhuëpisopita co quirica aꞌpatiirinacoihuëꞌ. Huëꞌpachinarantaꞌ, co aꞌnaya tërantaꞌ nonapirinënquënhuëꞌ.

Hechos 6:3

Napoaton iyaroꞌsaꞌ, canchisë yaꞌpi huayoncoꞌ catahuaꞌinacoiso marëꞌ. Ispirito Santori noyá yaꞌcoancantërinsoꞌ huayoncoꞌ, noya yonquipisoꞌ. Noya quëmapisáchin acoaꞌahuaꞌ cosharoꞌ yocacaiso marëꞌ.

Hechos 9:30

Yatëpapirinahuëꞌ, imapisopita natanahuatonaꞌ, Sisariaquë quëpapi. Inaquë quëparahuatonaꞌ, Tarsoquë aꞌpapi.

Romanos 1:13

Tëhuënchachin iyaroꞌsaꞌ, iráca quëran huarëꞌ nicapënquëmaꞌ yapaꞌpirahuëꞌ. Ipora huantaꞌ co nanitërahuëꞌ pacaꞌhuasoꞌ. Nisha nisha parti aꞌchinpatëra, piyapiꞌsaꞌ natëtonaꞌ, Quisocristo imasapi. Canpitantaꞌ yaaꞌchintëranquëmaꞌ noya noya imacamaso marëꞌ.