Hechos 27:43 - Chayahuita (Shahui)

⁴³ Capitanso nipirinhuëꞌ nohuantërin Paono chaꞌëcasoꞌ. Napoaton “Ama tëpacosohuëꞌ. Yaꞌipinpoaꞌ paꞌahuaꞌ. Nitoyonpatamaꞌ, canpitaꞌton niitatomaꞌ, yonsaiquë pacoꞌ.

Hechos 27:43 ပူးပေါင်းရင်းမြစ်များ

Hechos 23:10

Chiníquën ninoꞌhuitonaꞌ, niahuërapi. Napoaton capitan huaꞌani sontaroꞌsaꞌ camairin. —Maconcoꞌ tëpahuachinaꞌ, itërin. Napotohuachina, sontaroꞌsaꞌ paꞌpi. Paono osërëconahuatonaꞌ, sontaroꞌsaꞌ yaꞌhuëpiquë quëpaantapi.

Hechos 23:24

Catoꞌ cahuario quëpacoꞌ Paono paacaso marëꞌ. Noya aꞌpairahuatomaꞌ, huaꞌan Huirisë quëtoncoꞌ, itërin.

Hechos 27:11

Capitanso nipirinhuëꞌ co natëtërinhuëꞌ. Nancha huaꞌanën, nancha quëpanaꞌpi, inapita manorapi: “Paꞌahuaꞌ,” itohuachinara, “Noyahuaꞌ, paꞌahuaꞌ nipachin,” tënin capitan.

Hechos 27:3

Tahuëririnquë Sitonquë nonshirai. Inaquë Paono nosoroaton, capitani itërin: “Nipayaransopita yaꞌhuërinquë yapaꞌpatan, noya paquëꞌ,” itërin. Paꞌpatoira, pahuantërincoisopita quëtërinacoi.

Hechos 27:31

Napohuachinara, Paonori nicaton, capitan, sontaroꞌsaꞌ, inapita itapon: —Isopita taꞌahuachinaꞌ, co canpitantaꞌ chaꞌëpomahuëꞌ, itërin.

Hechos 27:42

“Huëcoꞌ apiroꞌsaꞌ tëpaꞌahuaꞌ, yonatonaꞌ taꞌahuachinaꞌ,” topi sontaroꞌsaꞌ.

2 Corintios 11:25

Copirno sontaroꞌsanënpita naraquë chiníquën ahuërinaco. Cararoꞌ inapotatonaco, anaꞌintërinaco. Aꞌna tahuëri naꞌpiquë tëꞌyararinaco tëpainacoso marëꞌ. Naporahuaton, cararoꞌ piꞌpíshachin shichimiitërahuë. Nanchaquë marë paꞌtaporahuëꞌ, nancha yancominahuaton, acopoiꞌ paꞌnin. Cararoꞌ inaporahuë. Aꞌna tashiꞌ nara yanponinquë matato, marëquë chachin tahuërianpitërahuë. Iꞌhuaraya huarëꞌ chaꞌërahuë.