Hechos 27:30 - Chayahuita (Shahui)

³⁰ Nancha quëpanaꞌpiroꞌsaso nipirinhuëꞌ yataꞌananpitonacoi: “Huiꞌnimotën quëran aꞌna huaꞌna motoꞌ tëꞌyaitahuaꞌ,” niitatonaꞌ, taꞌacaiso marëꞌ poti iꞌquë yatëꞌyatantapi.

Hechos 27:30 ပူးပေါင်းရင်းမြစ်များ

Hechos 27:16

Marë huancoanaiꞌ soꞌton yaꞌhuërin, Caota itopisoꞌ. Co pancanayahuëꞌ. Inataquëchin co ihuan chiníquën paꞌninhuëꞌ niꞌton, ina yonsan yoranai. Ina paꞌtasocoi, sacaiꞌ niponahuëꞌ, poti quëparaisoꞌ aꞌsonai ama ihuani oshitëcaso marëhuëꞌ.

Hechos 27:27

Nani catoꞌ simana naniriahuasoꞌ, Atriatico marëquë yanponarai. Ipora huantaꞌ ihuaiꞌ quëparárincoi. Yono tashi pochin nisahuasoꞌ: “Noꞌpaꞌ yaꞌcariarëhuaꞌ,” topi nancha quëpanaꞌpiroꞌsaꞌ.

Hechos 27:29

“Naꞌpiquë yaꞌparapihuatëhuaꞌ,” taꞌtonaꞌ, huanconën quëran catapini huaꞌna motoꞌ tëꞌyaitopi ama pacacaso marëhuëꞌ. “¿Onporohuarëcha tahuërirëꞌpoya?” taꞌtonaꞌ, moshatopi.

Hechos 27:31

Napohuachinara, Paonori nicaton, capitan, sontaroꞌsaꞌ, inapita itapon: —Isopita taꞌahuachinaꞌ, co canpitantaꞌ chaꞌëpomahuëꞌ, itërin.

Hechos 27:32

Napotohuachina, sontaroꞌsasoꞌ manorahuatonaꞌ, caporin nishitëtopi. Inapotohuachinara, poti iꞌquë anotërin huachi.