Hechos 27:10 - Chayahuita (Shahui)

¹⁰ —Ama siniororoꞌsaꞌ paꞌahuasohuëꞌ, maꞌsha onpohuatëhuaꞌ, tënahuë. Paꞌpatëhuaꞌ, nancha tapiarëhuaꞌ. Maꞌsharoꞌsantaꞌ aꞌpaitarihuaꞌ. Piyapinpoantaꞌ chimiitochináchin, itërin.

Hechos 27:10 ပူးပေါင်းရင်းမြစ်များ

Daniel 2:30

Ina canta anitotërinco. Co aꞌnapita piyapiꞌsa quëran naꞌcon naꞌcon nitotërahuëso marëꞌ anitotërincohuëꞌ. Maꞌsona tapon huaꞌnaranso anitotaꞌhuanquënso marëꞌ anitotërinco. Shaꞌhuitohuatënquën quëmanta quëhuënaton yonquiráransoꞌ, noꞌtëquën nitotaran huachi.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Hechos 21:3

Chipri soꞌton notërahuatoi, ahuënan quëran naꞌhuëtërai. Paꞌsahuatoi, Siria parti canconai. Tiroquë maꞌsha oshicasoꞌ niꞌton, inaquë nonshirai.

Hechos 27:31

Napohuachinara, Paonori nicaton, capitan, sontaroꞌsaꞌ, inapita itapon: —Isopita taꞌahuachinaꞌ, co canpitantaꞌ chaꞌëpomahuëꞌ, itërin.

Hechos 27:34

Napoaton coshatoco huachi chiniamaquëmaꞌ. Co chimiitarihuahuëꞌ. Co mantaꞌ onpoarihuahuëꞌ, itërincoi.

1 Pedro 4:18

Yosë quiricanënquë shaꞌhuitërinpoaꞌ: “Noya piyapiꞌsantaꞌ parisi quëran chaꞌësapi. ¡Oshahuanoꞌsaso nipirinhuëꞌ co onporontaꞌ chaꞌësapihuëꞌ! Yaꞌipi co noyahuëꞌ nipisopita chiníquën parisitomiatapi,” tënin.