Hechos 27:1 - Chayahuita (Shahui)

¹ Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 27:1 ပူးပေါင်းရင်းမြစ်များ

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

Salmos 33:11

Sinioro maꞌpitaso nicacasoꞌ yonquihuachina, ina tëhuënchinsoꞌ onpopionta yaꞌhuëapon.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Lucas 23:47

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.

Lucas 7:2

Inaquë aꞌna Noma capitan yaꞌhuërin. Aꞌna piyapinën chiníquën canioton, yachiminin. Huaꞌanëni noya nosororin.

Hechos 10:1

Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 16:10

Ina natanahuaton, “Yosë nohuantërincoi inatohuaꞌ noya nanan shaꞌhuicaꞌhuaisoꞌ,” taꞌtoi, manorai inatohuaꞌ pacaꞌhuaisoꞌ.

Hechos 18:2

Inaquë aꞌna cotio quëmapi Aquiro itopisoꞌ quënanconin. Inasoꞌ Pontoquë nasitërin. Saꞌinsoꞌ Pirisira itopi. Iꞌhuamiáchin Itaria parti yaꞌhuëpi. Nomaquë chachin yaꞌhuëpirinahuëꞌ, copirno Craotiori camaitohuachina, yaꞌipi cotioroꞌsaꞌ pipipi. Aquirosoꞌ ina quëran pipirahuaton, Corintoquë huëꞌnin. Ina pëinënquë Paono paꞌnin niꞌtapon.

Hechos 19:21

Ina quëran Paono yonquirin aꞌnapita imapisopita niꞌcoantacaso marëꞌ: “Masitonia parti niꞌcoantarahuë. Acaya partintaꞌ nisha nisha ninanoquë imapisopita niantarahuë. Nani pënëantahuato, Quirosarinquë paantarahuë. Ina quëran Nomaquëꞌpaꞌ pacaꞌhuasoꞌ yaꞌhuërin,” tënin.

Hechos 21:32

Natantahuaton, sontaroꞌsaꞌ, capitanoꞌsaꞌ, inapita amatahuaton, quëparin. Taꞌarahuatonaꞌ, piyapiꞌsaꞌ niyontonpiquë paꞌsapi. Sontaroꞌsaꞌ yaꞌcaritërahuachinara, cotioroꞌsari quënanahuatonaꞌ, co huachi Paono ahuëpihuëꞌ.

Hechos 22:26

Ina natanahuaton, capitan huaꞌan shaꞌhuitapon paꞌnin. —¿Maꞌtaꞌ ipora onpoapon? Pasoꞌ quëmapi Noma piyapi nipirinhuëꞌ, yahuihuitëran. Niꞌquëna copirno noꞌhuihuachinquën, itërin.

Hechos 23:11

Naporoꞌ tashiꞌ Siniorori yaꞌnotimarahuaton, Paono itapon: “¡Ama tëꞌhuatonhuëꞌ, chiníquën cancantëquëꞌ! Quirosarinquë nanamëhuë nani shaꞌhuiran. Inapochachin Nomaquëntaꞌ paaton, shaꞌhuiantamasoꞌ yaꞌhuërin,” itërin.

Hechos 23:17

Shaꞌhuitohuachina, aꞌna capitan amatërin. —Iso huiꞌnapi huaꞌanënquë quëpaquëꞌ nanan shaꞌhuichin, itërin.

Hechos 24:23

Ina quëran capitan shaꞌhuitërin: “Paono noya aꞌpaiquëꞌ ama taꞌainsohuëꞌ. Nipirinhuëꞌ, ama tonpoquësohuëꞌ. Nipayarinsopita huëꞌpachinaꞌ, noya yaꞌcoinaꞌ. Maꞌsha pahuantohuachin, quëchinaꞌ,” itërin.

Hechos 25:12

“Noma copirnosoꞌ chini chiníquën nanantërin niꞌton, co topinan aꞌparëhuëꞌ,” taꞌton, coisënënpita nontërin. Nani nontohuachina, Paono itantarin: —Noma copirno chachin yanontëran niꞌquëhuarëꞌ, ina yaꞌhuërinꞌpaꞌ aꞌpaaranquën, nontonquëꞌ, itërin.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 27:11

Capitanso nipirinhuëꞌ co natëtërinhuëꞌ. Nancha huaꞌanën, nancha quëpanaꞌpi, inapita manorapi: “Paꞌahuaꞌ,” itohuachinara, “Noyahuaꞌ, paꞌahuaꞌ nipachin,” tënin capitan.

Hechos 27:43

Capitanso nipirinhuëꞌ nohuantërin Paono chaꞌëcasoꞌ. Napoaton “Ama tëpacosohuëꞌ. Yaꞌipinpoaꞌ paꞌahuaꞌ. Nitoyonpatamaꞌ, canpitaꞌton niitatomaꞌ, yonsaiquë pacoꞌ.

Hechos 27:6

Inaquë capitan aꞌna nancha quënanin, Aricantria quëran huëꞌninsoꞌ. Itaria parti yapaꞌsarin niꞌton, inaquë ichiyaꞌconincoi. Panca nancha inasoꞌ.

Hechos 28:1

Yaꞌipicoi chaꞌërahuatoi, noꞌpaquë nonshiconai. Yaꞌhuëhuanoꞌsa natanatoi: “¿Maꞌnintaꞌ iso parti?” itohuatëira, “Marta,” itopi, itërinacoi.

Hechos 28:16

Ina quëran Nomaquë chachin canconai. Capitansoꞌ paꞌsahuaton, prisoroꞌsaꞌ quëparin tashinan pëiquë poꞌmocaiso marëꞌ. Paonoso nipirinhuëꞌ co inaquë poꞌmopihuëꞌ. “Nohuantohuatan, quëmaora yaꞌhuëquëꞌ,” itopi. Napoaton aꞌna pëiquë yaꞌhuërin. Nipirinhuëꞌ, aꞌna sontarori aꞌpairarin ama taꞌacaso marëhuëꞌ.

Hebreos 13:24

Ansianoꞌsanquëmaꞌ saludos aꞌpataranquëmaꞌ. Yaꞌipi imaramasopitantaꞌ yonquiatënquëmaꞌ, saludos aꞌpataranquëmaꞌ. Itariaroꞌsantaꞌ saludos aꞌpatarinënquëmaꞌ.