Hechos 26:8 - Chayahuita (Shahui)

⁸ Aꞌna tahuëri Yosë ananpitaantarinpoaꞌ, tënai. ¿Onpoatomataꞌ canpitasoꞌ co ina yanatëramahuë? tënahuë.

Hechos 26:8 ပူးပေါင်းရင်းမြစ်များ

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Lucas 1:37

Yosë yaꞌipi nanitaparin, itërin anquëniri.

Lucas 18:27

—Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipi nanitaparin, itërin Quisosori.

Hechos 23:6

Cotio huaꞌanoꞌsaꞌ huëꞌpisopita co napopianachin yonquipihuëꞌ. Patoma satosioroꞌsaꞌ, patomasoꞌ, parisioroꞌsaꞌ. Ina yonquiaton, Paonori itantarin: —Casoꞌ iyaroꞌsaꞌ, Parisioco. Shimashonëhuëpitantaꞌ parisioroꞌsa chachin. “Yosë ananpitaantarinpoaꞌ,” tënahuëso marëꞌ isopita shaꞌhuirapirinaco, itërin.

Hechos 25:19

“Paono co quiya pochin Yosë chinotërinhuëꞌ. Nisha imarin. Aꞌna quëmapi Quisoso itopisoꞌ chiminaponahuëꞌ, nani nanpiantarin,” toconin, topi. Inaíchin shaꞌhuirapipi.

Hechos 4:2

Piyapiꞌsaꞌ aꞌchintopiso marëꞌ noꞌhuipi. “Quisoso nanpiantarin niꞌton, nanpiantacasoꞌ yaꞌhuërin,” topiso marëꞌ noꞌhuipi.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.