Hechos 26:31 - Chayahuita (Shahui)

³¹ Pipirahuatonaꞌ, inahuara capini ninontopi. —Iso quëmapi co mantaꞌ onporinhuëꞌ. Co tëpacasoꞌ yaꞌhuërinhuëꞌ. Co tashinan pëiquë tërantaꞌ poꞌmocasoꞌ yaꞌhuërinhuëꞌ, nitopi.

Hechos 26:31 ပူးပေါင်းရင်းမြစ်များ

Jeremías 26:16

Napohuatora, huaꞌanoꞌsaꞌ, yaꞌhuëhuanoꞌsaꞌ, inapitari corto huaꞌanoꞌsaꞌ, pënëntonaꞌpiroꞌsaꞌ, inapita nontatona itaponaꞌ: “Iso quëmapi co manta onpotacaso yaꞌhuërinhuëꞌ. Siniorosoꞌ Yosë niꞌton, pënënainpoaso marëꞌ aꞌparin,” itopi.

Lucas 23:4

Nonapipisoꞌ natanahuaton, yaꞌipi cotio ansianoꞌsaꞌ, corto huaꞌanoꞌsaꞌ inapita itapon: —Iso quëmapisoꞌ noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ, itopirinhuëꞌ,

Hechos 23:29

‘Cotio pënëntërinsoꞌ co natërinhuëꞌ,’ toconpi. Inaíchin shaꞌhuirapipi. Co mantaꞌ onporinhuëꞌ. Co chiminacasoꞌ yaꞌhuërinhuëꞌ. Coni tashinan pëiquë tërantaꞌ poꞌmocasoꞌ yaꞌhuërinhuëꞌ.

Hechos 23:9

Napoaton ninontatonaꞌ, noncaroapi. Parisio maistroꞌsaꞌ huanirahuatonaꞌ, chiníquën nonpi. —Iso quëmapisoꞌ noya, tënai. Co mantaꞌ onporinhuëꞌ. Anquëni noninsoꞌ natamara. Huaꞌyani aꞌna nontomara, tënin aꞌnaquën. Napohuachinara, satosioroꞌsaꞌ noꞌhuitopi.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 28:18

Huaꞌanoꞌsaꞌ natanahuatonaco, “Co mantaꞌ onporinhuëꞌ niꞌton, co tëpacasoꞌ yaꞌhuërinhuëꞌ. Ocoiꞌi,” topi.

1 Pedro 3:16

Ama noꞌhuitë pochin chiníquën shaꞌhuitocosohuëꞌ. Sanoanan quëran pënëncoꞌ. Yosë yonquihuatamaꞌ, noya shaꞌhuitaramaꞌ. Quisocristo imaramaꞌ niꞌton, noyasáchin nicatomaꞌ, noyápiachin cancantocoꞌ. Ina quëran pinopirinënquëmahuëꞌ, “Coꞌta noya nisapi. Quëmarisoꞌ nonpinapiran,” itarin aꞌnarintaꞌ. Itohuachina, pinotonaꞌpisoꞌ tapanarin.