Hechos 26:3 - Chayahuita (Shahui)

³ Quëmasoꞌ cotioroꞌsaꞌ aꞌchininsoꞌ noyá nitotëran. Nisha nisha inachintopisoꞌ yaꞌipiya nitotëran. Ama noꞌhuitatonhuëꞌ, noya natanco.

Hechos 26:3 ပူးပေါင်းရင်းမြစ်များ

Hechos 21:21

Inapitasoꞌ nonpin nanan natantopi. “Paono nisha piyapiꞌsaꞌ yaꞌhuërinquë paaton, cotioroꞌsaꞌ inaquë yaꞌhuëpisopita nisha aꞌchintërin. ‘Moisësë pënëntërinsoꞌ aꞌpocoꞌ. Ama huachi huiꞌnamapita marca acotocosohuëꞌ,’ tënin Paono pënëntaton. Co nohuantërinhuëꞌ iráca napopisoꞌ natëcaisoꞌ,” topi, natantopi.

Hechos 24:10

Ina quëran huaꞌani imirin quëran tasatërin Paono nontacaso marëꞌ. Napotohuachina, Paonori itërin: —Naꞌa piꞌipi sinioro huaꞌan quëma huaꞌanëntërancoi. Napoaton noya cancantato, nontaranquën.

Hechos 24:4

Apira piꞌpisha yanontaranquën, noya natanco. Co huaꞌquiꞌ nontaranquënhuëꞌ.

Hechos 25:26

Quiricantaꞌ yaaꞌpapirahuëꞌ. Co nitotërahuëꞌ maꞌsona onporinsoꞌ ninshitaꞌhuasoꞌ. “¿Maꞌtaꞌ Noma copirno ichi?” taꞌto, Paono amatërahuë natanamaso marëꞌ. Quëmarintaꞌ, sinioro huaꞌan, noya natantariquëꞌ. Nani natanpatan, catahuaco ninshichi, topirahuëꞌ.

Hechos 26:2

“Noya sinioro huaꞌanpaꞌ, noya cancantato, nonchinquën natanco. Cotioroꞌsaꞌ nani naꞌcon shaꞌhuirapirinaco niꞌton, cari noꞌtëquën shaꞌhuitaranquën.

Hechos 26:26

Yaꞌipi shaꞌhuitëranquëmasoꞌ huaꞌan Acripa nani nitotërin. Co poꞌoana quëran napopihuëꞌ. Yaꞌipi piyapi nitotopi. Inantaꞌ nani natantërin. Napoaton co tëꞌhuatohuëꞌ, ina nontarahuë.

Hechos 28:17

Cara tahuëri quëran cotio huaꞌanoꞌsaꞌ amatërin. Inaquë huëꞌpachinara, Paonori itërin: —Nani iyaroꞌsaꞌ isëquë huëꞌnahuë. Piꞌpian nonchinquëmaꞌ, taꞌto, amatëranquëmaꞌ huëꞌnamaꞌ. Topinan quëran iyaroꞌsaꞌ shaꞌhuirapirinaco. Cantaꞌ cotio quëmapico niꞌto, co aꞌnapita cotioroꞌsaꞌ noꞌhuirahuëꞌ. Shimashonënpoapita napopisoꞌ yonquiato, co pinorahuëꞌ. Nipirinhuëꞌ, Quirosarinquë paꞌpatora, maninaco. Masahuatonaco, Noma huaꞌanoꞌsaquë yoꞌconinaco anaꞌintinacoso marëꞌ.

Hechos 6:14

Quisoso Nasaritoquë yaꞌhuërinsoꞌ imaton, naporinsoꞌ aꞌchinarin. “Aꞌna tahuëri Quisosori Yosë chinotopiso pëiꞌ ataꞌhuantarin. Moisësë pënëninpoasontaꞌ ananiantatonpoaꞌ, nisha aꞌchintarinpoaꞌ,” toconin Istipan natanai, topi shaꞌhuirapitonaꞌ.

1 Corintios 13:2

Aꞌnaquënpoaꞌ Yosë yonquirinso chachin nitotatëhuaꞌ, shaꞌhuitarëhuaꞌ. Yaꞌipi nitotarihuarahuëꞌ, co piyapiꞌsaꞌ nosorohuatëhuahuëꞌ, topinan quëran nitotarihuaꞌ, co Yosë noya niꞌsarinpoahuëꞌ. Yosë chiníquën natëtëhuaꞌ, nontohuatëhuaꞌ, motopi chiꞌhuincacaso pochin nanitapapirëhuahuëꞌ, co piyapiꞌsaꞌ nosorohuatëhuahuëꞌ, topinan quëran natërëhuaꞌ, co Yosë noya niꞌsarinpoahuëꞌ.