Hechos 26:25 - Chayahuita (Shahui)

²⁵ —Coꞌchi sinioro huaꞌan huaꞌyantërahuëꞌ paya. Noꞌtëquën nonahuë. Sano yonquiato, nontaranquëmaꞌ.

Hechos 26:25 ပူးပေါင်းရင်းမြစ်များ

Lucas 1:3

Cantaꞌ yaꞌipi nanamën nitotërahuë. Huaꞌquiꞌ natanato, nani noyá nitotërahuë. Napoaton, iya Tiohuiro ninshichinquën, tënahuë. Quëmasoꞌ paꞌpi noya piyapinquën niꞌton, ninshitaranquën. Yaꞌnan nininso quëran huarëꞌ yaꞌipiya ninshitaranquën.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

Hechos 23:26

“Sinioro huaꞌan Huirisë. ¿Noyanquën quëmantaꞌ? Ca Craotio Nisiasëco ninshitaranquën, niꞌquëꞌ. Quëmasoꞌ chiníquën nanantëran niꞌton, piꞌpian shaꞌhuichinquën.

Hechos 24:3

Ina marëꞌ yaꞌipicoi noya niꞌnainquën. “Yosparinquën,” itërainquën. Quëmasoꞌ tëhuënchachin chiníquën nanantëran.

Tito 1:9

Yosë nanamën noꞌtëquën aꞌchintërainquëmaꞌ. Ina nanansáchin ansianoꞌsaꞌ imainaꞌ. Ina naꞌcon yonquihuachinaꞌ, noya pënëntaponaꞌ, noꞌtëquën aꞌchinaponaꞌ. Aꞌnapitaso nisha nanan aꞌchinpirinahuëꞌ, ansianoꞌsarisoꞌ Yosë nanamënáchin aꞌchinchinaꞌ. Ama imapisopita nonpin nanan natëtacaiso marëhuëꞌ inapochinaꞌ.

1 Pedro 3:15

Yaꞌipi cancanëma quëran Quisocristo yonquicoꞌ. Inasoꞌ huaꞌanëntërinpoaꞌ niꞌton, chinotocoꞌ. Nani tahuëriya chiníquën cancantatomaꞌ, yonquicoꞌ Quisocristo nanamën shaꞌhuicamaso marëꞌ. Ina quëran “¿Onpoatomataꞌ imaramaꞌ?” itohuachinënquëmaꞌ, aꞌnaroáchin noꞌtëquën shaꞌhuitaramaꞌ.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.