Hechos 26:17 - Chayahuita (Shahui)

¹⁷ Cotioroꞌsaꞌ yatëpahuachinënquën, nichaꞌësaranquën. Nisha piyapiꞌsaꞌ yaꞌhuëpiquë aꞌpaaranquën. Inapitantaꞌ yatëpahuachinënquën, nichaꞌësaranquën.

Hechos 26:17 ပူးပေါင်းရင်းမြစ်များ

Salmos 34:19

Noyasáchin nipisopitantaꞌ, nisha nisha maꞌsha onpopi. Napopirinahuëꞌ, nani maꞌsha onpopi quëran Siniorori nichaꞌësarin.

Jeremías 1:19

Inapitaso ahuëapirinënhuëꞌ, co minsëarinënhuëꞌ. Carinquën caꞌtanatënquën aꞌpaiaranquën niꞌton, co minsëarinënhuëꞌ. Ca Sinioroco noꞌtëquën shaꞌhuitaranquën,” itërinco.

Jeremías 1:8

Ama insonta tëꞌhuatëquësohuëꞌ. Carinquën paꞌpoyaranquën. Caso Sinioroco niꞌto, noꞌtëquën shaꞌhuitaranquën,” itërinco.

Ezequiel 3:5

Co sacai nanan nonpisopita yaꞌhuëpiquë aꞌparanquënhuëꞌ. Israiroꞌsa yaꞌhuëpiquë aꞌpaaranquën.

Hechos 13:50

Cotioroꞌsaso nipirinhuëꞌ ninanoꞌ huaꞌanoꞌsaꞌ nontopi. Sanapiꞌsantaꞌ chiníquën nanantopisopita nontopi, Yosë chinotopisopita nininsoꞌ. “Paono co noya quëmapihuëꞌ. Pirnapintaꞌ co noyahuëꞌ. Co isëquë nohuantëraihuëꞌ,” toconpi. Napotatonaꞌ, aparisitahuatonaꞌ, aꞌpapi.

Hechos 16:39

Napoaton tashinan pëiquë paꞌsahuatonaꞌ, noya nontopi. “¿Canpitantaꞌ Noma piyapinquëmaꞌ ti?” itohuachina, “Inacoi mini,” tënin Paono. “Coꞌchi nitotëraihuë paya. Co nitotatoihuëꞌ ahuërainquëmaꞌ, co ahuëcaꞌhuainquëmasohuëꞌ nipirinhuëꞌ,” itërin. Ina quëran noya ocoirahuatonaꞌ, “Aꞌna parti pacoꞌ,” itopi.

Hechos 17:10

Quisoso imapisopita pipirahuatonaꞌ, yaꞌhuëpiꞌpaꞌ paantapi. Naporoꞌ tashiꞌ Paono, Sirasë, inapita Piriaquë aꞌpapi. Inaquë canconahuatonaꞌ, cotioroꞌsaꞌ niyontonpiso pëiquë paꞌpi aꞌchinacaiso marëꞌ.

Hechos 17:14

Napohuachinara, Quisoso imapisopitari aꞌnaroáchin Paono aꞌpapi. Aꞌnaquëni caꞌtanatonaꞌ, marë yonsanquëꞌpaꞌ quëpapi. Sirasë, Timotio, inapitaso nipirinhuëꞌ co paꞌpihuëꞌ.

Hechos 18:10

Carinquën catahuaranquën. Aꞌnaquën noꞌhuipirinënquëontaꞌ, noya aꞌpaiaranquën. Co insontaꞌ nanitapaponhuëꞌ maꞌsha onpotinquënsoꞌ. Naꞌa piyapiꞌsaꞌ isëquë yaimarinaco. Napoaton aꞌchintáquëꞌ,” itërin.

Hechos 25:3

“Quirosarinquë quënantaquëꞌ, natantaꞌii, topiraihuëꞌ,” itopi. Nani chinotopi naꞌpirahuatonaꞌ, iraquë tëpacaiso marëꞌ.

Hechos 28:28

Napoaton shaꞌhuichinquëmaꞌ nitotocoꞌ. Yosëri nisha piyapiꞌsaꞌ nani shaꞌhuitërin cancanënaꞌ anoyatacaso marëꞌ. Inapitasoꞌ natërapi, tënin Paono. [

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

Romanos 11:13

Aꞌnaquëmasoꞌ nisha piyapiꞌsanquëmaꞌ. Yosë aꞌparinco aꞌchintaꞌhuanquëmaso marëꞌ. Ina marëꞌ noya cancantërahuë. Paꞌsápato, aꞌchintaranquëmaꞌ.

Romanos 15:16

Quisocristo chachin aꞌparinco nisha nisha piyapiꞌsaꞌ aꞌchintaꞌhuaso marëꞌ. Nanamën aꞌchintarahuë inapitantaꞌ imacaiso marëꞌ. Aꞌchinato, Yosë marëꞌ sacatarahuë. Nisha piyapiꞌsantaꞌ imapachinaꞌ, Ispirito Santori yaꞌcoancantarin. Noyápiachin cancan quëtarin. Ina marëꞌ Yosëri noya niꞌsarin.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

1 Timoteo 2:7

Ina nanan shaꞌhuicaꞌhuaso marëꞌ Yosë acorinco. Aꞌparinco nisha piyapiꞌsaꞌ aꞌchintaꞌhuaso marëꞌ. “Yosë noꞌtëquën nontërinpoaꞌ. Ina natëcoꞌ,” itërahuë. Tëhuënchachin noꞌtëquën nonahuë, co nonpinahuëꞌ.

2 Timoteo 1:11

Yosë acorinco nanamën shaꞌhuicaꞌhuaso marëꞌ. Pënëntaꞌhuaso marëꞌ aꞌparinco. Ina nohuanton, nisha piyapiꞌsaꞌ aꞌchintarahuë.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.