Hechos 26:1 - Chayahuita (Shahui)

¹ Ina quëran huaꞌan Acripari Paono itapon: —Inta noniquë nipachin. Maꞌsona onporansoꞌ shaꞌhuitocoi paꞌpoyainquën, itërin. Itohuachina, Paonori anquitahuaton, itapon:

Hechos 26:1 ပူးပေါင်းရင်းမြစ်များ

Proverbios 1:24

Nani carima pënënanquëmaꞌ. Canpitaso nipirinhuëꞌ, co yanatëramacohuëꞌ. Yacatahuatënquëmaꞌ, imira ihuëtërëso pochin nitopiranquëmahuëꞌ, co tahuërëtëramacohuëꞌ.

Juan 7:51

—Moisësë pënëntërinsoꞌ natërëhuaꞌ. Nani pënëninpoaꞌ. “Ama topinan quëran anaꞌintocosohuëꞌ. Noꞌtëquën nitotaquë huarëꞌ anaꞌintacasoꞌ yaꞌhuërin,” tënin. Napoaton canpoantaꞌ Quisoso aꞌchininsoꞌ natahuanꞌ. Naporinsontaꞌ nitotahuaꞌ. Co topinan quëran anaꞌintacasoꞌ yaꞌhuërinhuëꞌ, tënahuë, itërin.

Hechos 22:1

“Natanco iyaroꞌsaꞌ, apiroꞌsaꞌ, piꞌpian yanontëranquëmaꞌ. Caso co mantaꞌ onporahuëꞌ,” tënin.

Hechos 25:16

Ina itohuachinacora, cari itapo: “Noma piyapicoi co topinan quëran anaꞌintëraihuëꞌ. Cato yaꞌpi maꞌsha nionpotohuachinara, cato chachin coisëquë paꞌsapi. Shaꞌhuirapihuachina, aꞌnantaꞌ aꞌpanitacasoꞌ yaꞌhuërin. Ina quëran coisëri noya nitotaton, tëhuënaꞌpi noꞌtëquën anaꞌintarin. Ina pochin Noma piyapicoisoꞌ ninai,” itërahuë.

Hechos 25:27

Co topinan aꞌpacasoꞌ yaꞌhuërinhuëꞌ. Maꞌsona onporinsoꞌ ninshitahuato shaꞌhuirapicasoꞌ yaꞌhuërin, tënahuë, itërin.

Hechos 26:2

“Noya sinioro huaꞌanpaꞌ, noya cancantato, nonchinquën natanco. Cotioroꞌsaꞌ nani naꞌcon shaꞌhuirapirinaco niꞌton, cari noꞌtëquën shaꞌhuitaranquën.

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

Romanos 10:21

Israiroꞌsaso nipirinhuëꞌ co yanatëpihuëꞌ. Inapita yonquiaton, Isaiasë quëran taantarin: “Iráca quëran huarëꞌ yacatahuarahuë. Imirahuë ihuëtatë pochin nitato: ‘Huëcoꞌ catahuainquëmaꞌ,’ itopirahuëꞌ, co yanatërinacohuëꞌ. Co natantochináchinhuëꞌ cancantopi, tënin Yosë,” itërin.