Hechos 25:9 - Chayahuita (Shahui)

⁹ Noya natanpirinhuëꞌ, huaꞌan co nohuantërinhuëꞌ cotioroꞌsari noꞌhuicaisoꞌ niꞌton, Paono itërin: —¿Nohuantëran Quirosarinquë paacasoꞌ? Inaquë shaꞌhuirapihuachinën, cari natanpato, shaꞌhuitaranquën, itërin.

Hechos 25:9 ပူးပေါင်းရင်းမြစ်များ

Marcos 15:15

Ina natanahuaton, ama piyapiꞌsari noꞌhuicaiso marëhuëꞌ Parapasë ocoitërin. Quisososo nipirinhuëꞌ, chiníquën ahuihuitërin. Chiníquën huihuitonaꞌ, pëꞌsha pëꞌshatopi. Ina quëran shaꞌhuitërin corosëquë patanantacaiso marëꞌ.

Hechos 12:3

Tëpapi niꞌton, cotio huaꞌanoꞌsari paꞌyatopi. Ina natantahuaton, Pitrontaꞌ macacaiso marëꞌ camaitërin. Naporoꞌ cotioroꞌsaꞌ niyontonapi pan co ahuëpocatopisohuëꞌ capacaiso marëꞌ.

Hechos 24:27

Catoꞌ piꞌipi nanihuachina, nisha huaꞌan yaꞌcoantarin, Porsio Pisto itopisoꞌ. Huirisësoꞌ pipirin huachi. Pipiponahuëꞌ, co Paono ocoirinhuëꞌ. “Cotioroꞌsaꞌ noꞌhuihuachinaco,” taꞌton, co ocoirinhuëꞌ.

Hechos 25:20

Cotioroꞌsaꞌ moshapisoꞌ co piꞌpisha tërantaꞌ nitotërahuëꞌ. Napoaton Quirosarinquë yaquëpapirahuëꞌ aquëtëꞌ natantaꞌhuaso marëꞌ. “Inaquë shaꞌhuirapiinën,” itopirahuëꞌ, co nohuantërinhuëꞌ

Hechos 25:3

“Quirosarinquë quënantaquëꞌ, natantaꞌii, topiraihuëꞌ,” itopi. Nani chinotopi naꞌpirahuatonaꞌ, iraquë tëpacaiso marëꞌ.