Hechos 25:8 - Chayahuita (Shahui)

⁸ Ina quëran Paonori itërin: —Iráca quëran huarëꞌ, sinioro huaꞌan, noya ninahuë. Co mantaꞌ onporahuëꞌ. Moisësë pënëntërinsoꞌ cotioroꞌsari natëhuachinara, co ina marëꞌ noꞌhuirahuëꞌ. Yosë chinotopiso pëintaꞌ co tapirahuëꞌ. Co nisha piyapi ichiyaꞌconahuëꞌ. Noma copirnontaꞌ natërahuë. Co onporontaꞌ piyapiꞌsaꞌ shaꞌhuitërahuëꞌ ina noꞌhuicaisoꞌ. Topinan quëran shaꞌhuirapirinaco, itërin.

Hechos 25:8 ပူးပေါင်းရင်းမြစ်များ

Hechos 23:1

Paono yaꞌconahuaton, huaꞌanoꞌsaꞌ notëërahuaton, itapon: —Ipora iyaroꞌsaꞌ piꞌpian nonchinquëmaꞌ natanco. Huaꞌhuatapo quëran huarëꞌ noya ninahuë. Yosë niꞌsárinco, co mantaꞌ onporahuëꞌ, itërin.

Hechos 24:12

Yosë chinotopiso pëiquë paꞌpatora, co insontaꞌ noꞌhuirahuëꞌ. Niyontonpiso pëiquëntaꞌ noya paꞌnahuë. Co cachiquë tërantaꞌ chiníquën aꞌchinahuëꞌ. Piyapiꞌsaꞌ niyontonpachinara, co shaꞌhuitërahuëꞌ ninoꞌhuicaisoꞌ.

Hechos 24:14

“Nisha imarin,” topi. Inaíchin noꞌtëquën nonpi. Tëhuënchachin Quisoso nanamën imarahuë. Nipirinhuëꞌ, Yosë noꞌtëquën chinotërahuë. Shimashonëhuëpita chinotopiso chachin chinotërahuë cantaꞌ. Yaꞌipi Yosë quiricanën natërahuë. Iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita yonquirahuë.

Hechos 24:6

Yosë chinotopiso pëintaꞌ yatapirin. Nisha piyapiꞌsaꞌ inaquë ichiyaꞌconin, co inapitasoꞌ yaꞌconacasohuëꞌ nipirinhuëꞌ. Naporoꞌ quiyari manai. [Quiya coisëquë yaquëpapiraihuëꞌ anaꞌintacaso marëꞌ.

Hechos 25:10

—Co nohuantërahuëꞌ. Quëmasoꞌ Noma copirno acorinquën niꞌton, nontaranquën. Shaꞌhuirapirinacosoꞌ isëquë anoyatacasoꞌ yaꞌhuërin. Co mantaꞌ cotioroꞌsaꞌ onpotërahuësohuëꞌ, nitotëran.

Hechos 28:17

Cara tahuëri quëran cotio huaꞌanoꞌsaꞌ amatërin. Inaquë huëꞌpachinara, Paonori itërin: —Nani iyaroꞌsaꞌ isëquë huëꞌnahuë. Piꞌpian nonchinquëmaꞌ, taꞌto, amatëranquëmaꞌ huëꞌnamaꞌ. Topinan quëran iyaroꞌsaꞌ shaꞌhuirapirinaco. Cantaꞌ cotio quëmapico niꞌto, co aꞌnapita cotioroꞌsaꞌ noꞌhuirahuëꞌ. Shimashonënpoapita napopisoꞌ yonquiato, co pinorahuëꞌ. Nipirinhuëꞌ, Quirosarinquë paꞌpatora, maninaco. Masahuatonaco, Noma huaꞌanoꞌsaquë yoꞌconinaco anaꞌintinacoso marëꞌ.

Hechos 28:21

—Coꞌchi iyasha mantaꞌ nitotëraihuëꞌ quiyaso paya. Cotia parti yaꞌhuëpisopita co quirica aꞌpatiirinacoihuëꞌ. Huëꞌpachinarantaꞌ, co aꞌnaya tërantaꞌ nonapirinënquënhuëꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.