Hechos 25:7 - Chayahuita (Shahui)

⁷ Cotioroꞌsaꞌ Quirosarin quëran nani oꞌmapi niꞌton, Paono huëꞌpachina, ahuancanapirahuatonaꞌ, naꞌcon shaꞌhuirapiapi. Nisha nisha shaꞌhuirapipirinahuëꞌ, co niꞌninso chachin yaꞌhuërinhuëꞌ.

Hechos 25:7 ပူးပေါင်းရင်းမြစ်များ

Salmos 27:12

Ama canainacoso marëhuëꞌ paꞌpoyaco. Nonpinapitonaco, yaaparisitërinaco.

Mateo 15:1

Ina quëran aꞌnaquën parisioroꞌsaꞌ, cotio maistroꞌsaꞌ, inapita Quirosarin quëran huëꞌpi Quisoso natanacaiso marëꞌ.

Lucas 23:10

Corto huaꞌanoꞌsaꞌ, cotio maistroꞌsaꞌ, inapita huëcatonaꞌ, Quisoso shaꞌhuirapiapirinahuëꞌ, co mantaꞌ tëninhuëꞌ.

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 24:13

Topinan quëran nonpinapirinaco. Naꞌcon shaꞌhuirapipirinacohuëꞌ, niꞌnincoso chachinso co yaꞌhuërinhuëꞌ.

Hechos 25:24

Huëꞌpachina, Pistori itapon: —Noya sinioro huaꞌan huëꞌnan. Canpitantaꞌ iyaroꞌsaꞌ, noya huëꞌnamaꞌ. Yaꞌipinquëmaꞌ yanontaranquëmaꞌ, natanco. Iso quëmapi niꞌcoꞌ. Maꞌsona onpomara. Yaꞌipi cotioroꞌsari noꞌhuipi. Quirosarinquë shaꞌhuirapipi, isëquënta huëcatonaꞌ, shaꞌhuirapipi, chiníquën nonapitonaꞌ. “Co noya quëmapihuëꞌ. Atëpatëquëꞌ,” itërinaco.

1 Tesalonicenses 2:16

Nisha piyapiꞌsaꞌ chaꞌëcaiso marëꞌ yaaꞌchintopiraihuëꞌ, cotioroꞌsasoꞌ co nohuantopihuëꞌ. “Ama aꞌchintocosohuëꞌ,” taꞌtonaꞌ, noꞌhuirinacoi. Ina marëꞌ aquë aquëtëꞌ oshahuanpi. Napoaton Yosëri chiníquën noꞌhuirin. Noꞌtëquën anaꞌintarin huachi.